Alaksandr Łukašenka 10 vieraśnia pryniaŭ z dakładam ministra zamiežnych spraŭ Uładzimira Makieja.
Na sustrečy abmiarkoŭvalisia pytańni, jakija tyčacca mižnarodnaj i intehracyjnaj tematyki, u tym liku padrychtoŭka da samitu i sustreč na najvyšejšym uzroŭni.
Jak padkreśliŭ Łukašenka, praviadzieńnie ŭ Minsku 25 kastryčnika pasiadžeńnia Savieta kiraŭnikoŭ dziaržaŭ SND — heta najvažniejšaje pytańnie. «My, viadoma ž, surjozna da jaho rychtujemsia.
Dumaju, što Pałac Niezaležnaści da hetaha času skončym, kab pravieści tam hety bujny forum», — adznačyŭ jon.
Pakolki času zastałosia zusim niašmat, Alaksandr Łukašenka pacikaviŭsia, jakija prablemy majucca ŭ suviazi z padrychtoŭkaj da hetaj sustrečy na vyšejšym uzroŭni: «Nakolki my hatovyja da praviadzieńnia, u tym liku arhanizacyjna? I hałoŭnaje — heta pazicyja kiraŭnikoŭ dziaržaŭ, ci ŭsie painfarmavanyja, ci ŭsio buduć na hetym samicie, i inšyja pytańni ŭ suviazi z hetym».
Łukašenka praciahnuŭ: «Zatym zachodni kirunak, druhi samit u listapadzie — „Uschodniaha partniorstva“ [u Vilni — NN]. Na jakim uzroŭni my znachodzimsia? Pryncypovaja pazicyja MZS viadomaja, my nie adstupajem ad hetaj pazicyi. Što ŭ suviazi z hetym adbyvajecca tam, na zachodnim kirunku?».
Uładzimir Makiej pa vynikach sustrečy raspavioŭ, što hrafik u kiraŭnika dziaržavy da kanca hoda ŭ płanie mižnarodnaj dziejnaści budzie vielmi ščylnym.
Majucca być jak minimum try vizity za miažu, prapracoŭvajucca vizity kiraŭnikoŭ zamiežnych dziaržaŭ u Biełaruś.
Čakajecca taksama praviadzieńnie šerahu pasiadžeńniaŭ intehracyjnych struktur, siarod jakich najbolš značnaje — namiečanaje ŭ Minsku pasiadžeńnie Savieta kiraŭnikoŭ dziaržaŭ SND.
Łukašenka byŭ prainfarmavany ab chodzie padrychtoŭki da pasiadžeńnia Vyšejšaha Jeŭrazijskaha ekanamičnaha savieta i pra toje, jak viadziecca praca nad raspracoŭkaj Damovy ab stvareńni Jeŭrazijskaha ekanamičnaha sajuza, jakija prablemy isnujuć na hetym etapie.
Ministr zamiežnych spraŭ taksama prainfarmavaŭ pra pierśpiektyvy adnosin Biełarusi ź JeC, u cełym ź jeŭrapiejskimi partniorami, a taksama sa ZŠA.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary