Lejtenanta minskaj milicyi adpravili ŭ sud za zanadta mocnuju luboŭ da prastytutak. Jamu pradjaŭlena abvinavačvańnie ŭ złoŭžyvańni ŭładaj.
U lutym Hałoŭnaje ŭpraŭleńnie ŭłasnaj biaśpieki (HUUB) MUS zacikaviłasia dziejnaściu lejtenanta milicyi RUUS Frunzienskaha rajona Minska.
Lejtenant pracavaŭ u orhanach unutranych spraŭ z 2007 hoda i paśpieŭ dasłužycca ŭsiaho da
Havorka idzie pra tak zvanyja «subotniki», padčas jakich dziaŭčaty biaspłatna absłuhoŭvajuć svoj «dach». Dla cisku na dziaŭčat lejtenant vykarystaŭ lehiendu, što jon źjaŭlajecca apieratyŭnikam adździeła maralnaści i procidziejańnia handlu ludźmi. Maŭlaŭ, vy mianie abłaščacie, a ja vas čapać nie budu.
U chodzie dadatkovaj pravierki vyśvietliłasia, što takim čynam abvinavačany apracavaŭ nie dźviuch, a bolš za 10 dziaŭčat, kožnaja ź jakich jaho biaspłatna absłuhoŭvała.Materyjały pravierki byli pieradadzienyja va ŭpraŭleńnie Śledčaha kamiteta pa Minsku, jaki raspačaŭ u dačynieńni da milicyjanta kryminalnuju spravu pa prykmietach ździajśnieńnia im złačynstva pa č.2 art.424 Kryminalnaha kodeksa Biełarusi (złoŭžyvańnie ŭładaj abo słužbovymi paŭnamoctvami), jakaja praduhledžvaje pakarańnie da 10 hadoŭ pazbaŭleńnia voli Z orhanaŭ unutranych spraŭ lejtenant taksama byŭ adrazu ž zvolnieny za ździajśnieńnie ŭčynku, jaki dyskredytuje vysokaje zvańnie supracoŭnika MUS. Zrešty, uličvajučy asablivuju pikantnaść złoŭžyvańniaŭ i toj fakt, što ad hetaha nichto nie paciarpieŭ, akramia imidžu supracoŭnikaŭ milicyi, milicyjaniera nie stali navat aryštoŭvać i pakinuli na voli.
Jak raspaviali ŭ Śledčym kamitecie, rasśledavańnie kryminalnaj spravy ŭžo zavieršana.Materyjały pieradadzienyja ŭ sud i tudy ž adpravicca ciapier užo były supracoŭnik minskaj milicyi. Čakajecca, što słuchańni pačnucca ŭžo ŭ žniŭni, ale, uličvajučy śpiecyfiku spravy, u jakoj havorka pojdzie pra asabistaje žyćcio mnostva ludziej, razhlad, chutčej za ŭsio, projdzie za začynienymi dźviaryma.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary