Лейтэнанта мінскай міліцыі адправілі ў суд за занадта моцную любоў да прастытутак. Яму прад’яўлена абвінавачванне ў злоўжыванні ўладай.
У лютым Галоўнае ўпраўленне ўласнай бяспекі (ГУУБ) МУС зацікавілася дзейнасцю лейтэнанта міліцыі РУУС Фрунзенскага раёна Мінска.
Лейтэнант працаваў у органах унутраных спраў з 2007 года і паспеў даслужыцца ўсяго да
Гаворка ідзе пра так званыя «суботнікі», падчас якіх дзяўчаты бясплатна абслугоўваюць свой «дах». Для ціску на дзяўчат лейтэнант выкарыстаў легенду, што ён з’яўляецца аператыўнікам аддзела маральнасці і процідзеяння гандлю людзьмі. Маўляў, вы мяне аблашчаце, а я вас чапаць не буду.
У ходзе дадатковай праверкі высветлілася, што такім чынам абвінавачаны апрацаваў не дзвюх, а больш за 10 дзяўчат, кожная з якіх яго бясплатна абслугоўвала.Матэрыялы праверкі былі перададзеныя ва ўпраўленне Следчага камітэта па Мінску, які распачаў у дачыненні да міліцыянта крымінальную справу па прыкметах здзяйснення ім злачынства па ч.2 арт.424 Крымінальнага кодэкса Беларусі (злоўжыванне ўладай або службовымі паўнамоцтвамі), якая прадугледжвае пакаранне да 10 гадоў пазбаўлення волі З органаў унутраных спраў лейтэнант таксама быў адразу ж звольнены за здзяйсненне ўчынку, які дыскрэдытуе высокае званне супрацоўніка МУС. Зрэшты, улічваючы асаблівую пікантнасць злоўжыванняў і той факт, што ад гэтага ніхто не пацярпеў, акрамя іміджу супрацоўнікаў міліцыі, міліцыянера не сталі нават арыштоўваць і пакінулі на волі.
Як распавялі ў Следчым камітэце, расследаванне крымінальнай справы ўжо завершана.Матэрыялы перададзеныя ў суд і туды ж адправіцца цяпер ужо былы супрацоўнік мінскай міліцыі. Чакаецца, што слуханні пачнуцца ўжо ў жніўні, але, улічваючы спецыфіку справы, у якой гаворка пойдзе пра асабістае жыццё мноства людзей, разгляд, хутчэй за ўсё, пройдзе за зачыненымі дзвярыма.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках66
Каментары