Suprać dyrektarki Biełdziaržcyrku Taćciana Bandarčuk zaviedzienaja kryminalnaja sprava za złoŭžyvańni słužbovymi paŭnamoctvami. «NN» sabrała samyja cikavyja fakty pra hetuju nieardynarnuju žančynu.
Užo aryštoŭvali. «Eskadron śmierci»
Niezvyčajnaja historyja adbyłasia ŭ 2000 hodzie. Milicyja aryštavała Bandarčuk pa padazreńni ŭ atrymańni chabaru ŭ pamiery 4,9 tysiač dalaraŭ. Na praciahu sutak joj było vystaŭlena abvinavačańnie i dyrektarka cyrku apynułasia ŭ SIZA.
Hałoŭnym śviedkam pa hetaj spravie byŭ načalnikU SIZA Bandarčuk pratrymali miesiac, vyzvalili pa rašeńni kiraŭnika dziaržavy. Hračoŭ potym uzhadvaŭ, što praź dzień paśla vyzvaleńnia Bandarčuk adbyŭsia nastupny incydent:kantrolna-revizijnaha ŭpraŭleńnia Ministerstva kultury Alaksandr Hračoŭ. Mienavita jon upilnavaŭ fakty finansavych machinacyj padčas pravierki dziaržcyrku. Byli znojdzieny taksama fakty pa balecie «Sierž» (zasnavała Bandarčuk), ź jakoha dziaŭčat nibyta adpraŭlali ŭ Arabskija Emiraty pracavać prastytutkami. Ale, kali sprava pajšła ŭ chod, to da Hračova na pracu pryjechali ludzi sa Słužby biaśpieki Łukašenki...
«Padychodžu da domu i baču mašynu „chutkaj dapamohi“. Navat spałochacca nie paśpieŭ, jak da mianie padbiehli dužyja chłopcy. Adzin bje mianie kułakom u tvar i vybivaje dva zuby. Ja padaju. Mnie na hałavu adziavajuć masku, padchoplivajuć i kidajuć u mašynu. Mianie advieźli na jakujuści bazu i zmardavali da niepaznavalnaści. Sprabavali daviedacca, chto pravodziŭ pravierki ŭ cyrku — chto jakija dakumienty pieračytvaŭ. Bili pa nyrkach, pahražali zabojstvam, ščoŭkali kala vucha zatvoram aŭtamata, razmachvali pistaletam — heta byŭ žach niejki!»
Paźniej užo Hračoŭ paznaje i ŭ tvar, i pa hołasie adnaho z vykradalnikaŭ. Im byŭ śpiecnazaviec Valeryj Ihnatovič. Toj samy Ihnatovič, jaki praź niejki čas budzie asudžany na pažyćciovaje źniavoleńnie za datyčnaść da vykradańnia Źmitra Zavadskaha.
Cyrkavaja dynastyja
Taćciana Bandarčuk źjaŭlajecca svajačkaj byłoha ideołaha resavietyzacyi, namieśnika kiraŭnika Admistracyi prezidenta Uładzimira Zamiatalina. Mienavita jon zaŭsiody byŭ jejnym zastupnikam i abaroncam u vyšejšych kołach.
Syn Taćciany - iluzijanist, hałoŭny režysior Biełdziaržcyrku Sierž Bandarčuk, a niaviestkaj — taksama cyrkačka i televiadučaja Hanna Bond.«U budučyni ja, napeŭna, chacieła b, kab cyrk ŭznačaliŭ syn Sierž. Jon viedaje cyrkavy rynak, i ŭ jaho jość maja rysa — adkaznaść».
Muž našmat maładziejšy
Pieršym mužam Taćciany byŭ akrabat Hienadź Bandarčuk. Razam ź im jany pražyli 18 hadoŭ. Paźniej žančyna kazała, što muž byŭ «ciažkim na padjom», nie prajaŭlaŭ inicyjatyvy.
Druhim mužam — artyst Kupałaŭskaha teatra Vital Makarevič, jaki pierajšoŭ na pracu ŭ cyrk — šprechštałmiejstaram. Tak u cyrku nazyvajuć viadučaha prahram. Jon, darečy, našmat maładziejšy za Bandarčuk, Makareviču 39 hadoŭ. Taćcianie — 61.
Tym nie mienš, vyhladaje jana značna maładziejšaj za svaje hady.
«Ščyra kažučy, ja saboj praktyčna nie zajmajusia. Tolki pracuju, časam hatuju. Kožny dzień pračynajusia a šostaj ranicy, časam udajecca znajści čas na masaž. A ŭviečary, paśla ciažkaha dnia, dumaju: voś zaraz pajdu ŭ zału i pakačaju pres. U vyniku dabirajusia tolki da łožka. Pry hetym viedaju ludziej, jakija ŭ svaje tryccać hadoŭ užo vyhladajuć, jak staryja. Moža, u ich niama lubovi, moža, jany mała lubiać samo žyćcio», — kazała spn. Bandarčuk.
Usio žyćcio cyrk
U cyrku Taćciana Bandarčuk adpracavała amal 42 hady, apošnija 16 — była dyrektaram.
Viadomaść i nieaficyjny tytuł «karalevy cyrku» jana zasłužyła, robiačy ŭnikalny truk: «Taćciana kruciła abruč, stojačy ŭ puantach, jak baleryna, na dałońcy partniora».
Paśla hetaha Bandarčuk jašče ŭ saviecki čas stała jeździć u zamiežnyja krainy na hastroli.
Na jejnym jubilei byli pamočnica prezidenta Natalla Piatkievič, staršynia Minharvykankama Mikałaj Ładućka, tahačasny ministr kultury Pavieł Łatuška, śpiavačka Ina Afanaśjeva.«Ja nie tolki „pierakładaju važnyja papiery“ na stale dyrektara, ale kiruju i tvorčym pracesam. Usie numary stvaralisia pavodle maich idej, maich scenaryjaŭ, maich dyzajnierskich zadum, i heta ŭsio numary ručnoj pracy», — kazała jana ŭ adnym ź intervju.
Bandarčuk i Łukašenka
«Ja jašče nie ŭ kursie nijakaj kryminalnaja spravy. U mianie prajšła pravierka Dziaržkantrolu, i ja bolš ničoha nie viedaju.
Bandarčuk zaŭsiody nazyvali lubimaj artystkaj Alaksandra Łukašenki, nie tak daŭno joj było prysudžana zvańnie narodnaj.
«Mnie chočacca vyjści na vulicu i kryčać „Ura“. Dziakuj prezidentu», — tak «karaleva cyrku» adreahavała na navinu pra zvańnie.
Kamientary