Chvastoŭ: Biełaruś nie maje patreby ŭ śpiecdakładčyku Rady AAN pa pravach čałavieka
Biełaruś nie maje patreby ŭ śpiecyjalnym dakładčyku abo inšych padobnych instytutach. Ab hetym zajaviŭ pradstaŭnik Biełarusi pry AAN u Ženievie Michaił Chvastoŭ, vystupajučy na siesii Rady AAN pa pravach čałavieka, dzie viečaram 4 červienia abmiarkoŭvajecca spravazdača śpiecdakładčyka pa situacyi ŭ Biełarusi Mikłaša Charašci.
Pavodle słoŭ Chvastova, hety dakład vykarystoŭvajeca dla taho, kab akazać palityčny i ekanamičny cisk na Biełaruś.
«Biełaruski narod nie maje patreby ŭ śpiecdakładčyku. My viedajem, jakija ŭ nas jość prablemy, i hatovy ich vyrašać, — zajaviŭ Chvastoŭ. —
U nas jość svaja madel, jakaja zasnavana na nacyjanalnym suvierenitecie, biaśpiecy i viaršenstvie zakona. My adchilajem usie abvinavačańni, jakija ŭtrymlivajucca ŭ dakładzie, i zajaŭlajem, što vysnovy dakłada dla nas nieprymalnyja».
U svaju čarhu pradstaŭnik Jeŭrasajuza adznačyła: nie vyklikaje sumnieńnia, što ŭ dakładzie adlustravany sistematyčnyja parušeńni pravoŭ čałavieka ŭ Biełarusi. Jana padkreśliła, što ES hłyboka zaniepakojeny praciaham parušeńnia pravoŭ hramadskich aktyvistaŭ, ciskam na palityčnych apanientaŭ, pieraśledam žurnalistaŭ, a taksama prymianieńniem u krainie śmiarotnaj kary.
«My zaklikajem biełaruski ŭrad vykanać usie rekamiendacyi, vykładzienyja ŭ dakładzie, u tym liku nieadkładna vyzvalić palitźniavolenych, rasśledavać usie vypadki katavańniaŭ i niespraviadlivych pryhavoraŭ, uvieści maratoryj na śmiarotnuju karu», — skazała pradstaŭnik ES.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała18
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary