Pry ŭsioj niemiłahučnaści nazvy pasady Natalla Piatkievič maje niepasredny dostup da kiraŭnika dziaržavy. Jana ŭznačalvaje prezidenckuju kancylaryju, jak Paskrobyšaŭ pry Stalinu, a Marcin Borman pry Hitleru.
Piatkievič uvajšła ŭ kiroŭnyja elity za maksimalna karotki čas. Spačatku ambitnaja supracoŭnica ŭpraŭleńnia dziaržaŭnaha i mižnarodnaha prava Administracyi prezidenta stała pressakratarkaj Łukašenki, a praz try hady pracy viarnułasia ŭ Administracyju namieśnicaj kiraŭnika. Mienavita hetaj «žaleznaj łedzi» biełaruskaj palityki davodziłasia ahučvać niepapapularnyja rašeńni, jak było z admienaj ilhotaŭ ci admovaj u amnistyi žančynam ź dziećmi. Ciapier Piatkievič razam z Kabiakovym davierana pravieści skaračeńnie dziaržaŭnych orhanaŭ.
***
Cytata: «Ja znachodžu sponsaraŭ — nahami, hałavoj, rukami!»
Z pasiadžeńnia Nacyjanalnaha alimpijskaha kamiteta, žnivień 2011.
Abjektyŭka
Nar. u 1972 u Minsku. Jaje tata — zahadčyk stamatałahičnaj palikliniki. Skončyła jurfak BDU (1994). U 2001 pryznačanaja pressakratarkaj Łukašenki. U 2004—2010 — namieśnica, paśla pieršaja namieśnica kiraŭnika Administracyi prezidenta. U 2006 joj byŭ zabaronieny ŭjezd na terytoryju Jeŭrasajuza i ZŠA. Kandydat jurydyčnych navuk. Ad vieraśnia 2011 uznačalvaje prezidenckuju kancylaryju.
Pieršy muž — Uładzisłaŭ Piatkievič, kiraŭnik «Nacyjanalnych spartyŭnych łatarej», druhi — Alaksandr Martynienka, były namieśnik hiendyrektara Biełteleradyjokampanii.
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary