Каханне і сэкс11

Флірт: у жыцці і на працы

Звыш 80% жанчын і мужчын фліртуюць або фліртавалі са сваімі супрацоўнікамі. Пра гэта сведчаць найноўшыя сацыялагічныя даследаванні часопіса «Плэйбой».

Жаночы рогат распуджвае мужчын

Прадстаўніцы цудоўнай паловы чалавецтва застаюцца ў адзіноце, бо адпуджваюць патэнцыйных мужоў некультурным смехам.

Да такой высновы, як перадае партал "Раўт", прыйшлі псіхолагі з універсітэта ў Каліфорніі. Навукоўцы правялі даследаванне, у якім мужчыны ацэньвалі жаночую прывабнасць па галасавых інтанацыях. Пры гэтым яны не мелі магчымасці ўбачыць твары дам, якія выдавалі вясёлыя гукі.

Падчас працы высветлілася, што найбольшую непрыязнасць у хлопцаў выклікае гучны смех, а прыводзіць у захапленне і правакуе на зацікаўленасць — лёгкае хіхіканне. Напрыклад, больш за 1000 рэспандэнтаў знаходзяцца ў поўнай упэўненасці, што высокімі галасавымі данымі валодаюць выключна неадукаваныя дзяўчаты, якія не ўмеюць нармальна кантактаваць, і з імі сорамна паказацца на людзях.

Атмасфера флірту спрыяе справе

Звыш 80 % жанчын і мужчын фліртуюць або фліртавалі са сваімі супрацоўнікамі. Пра гэта сведчаць найноўшыя сацыялагічныя даследаванні часопіса "Плэйбой".
Дзве трэці жанчын і палова мужчын хоць бы адзін раз займаліся сэксам са сваімі калегамі.

Лічыцца, што мужчыны заўсёды ініцыююць службовыя раманы. Існуе меркаванне, што яны ўвесь час толькі пра тое і думаюць, як спакусіць жанчын, якія працуюць разам з імі. Гэта не зусім так.

Вось вынікі апытання "Плэйбоя": жанчыны ўдвая часцей, чым мужчыны, "знімаюць" сваіх калег-пачаткоўцаў супрацьлеглага полу з думкай пра сэксуальны кантакт.

З элегантнымі і дагледжанымі лэдзі маладыя мужчыны ахвотна займаюцца сэксам. Не забываючы пры выпадку паклапаціцца і пра сваю кар'еру. Жанчыны, зрэшты, пра яе таксама не забываюць: паводле статыстыкі, палова жанчын, якія маюць службовыя раманы, "спяць" менавіта з шэфамі.

Псіхолагі гавораць, што для многіх людзей сэкс на працы з'яўляецца эфектыўнай формай барацьбы са стрэсам. А ва ўсім вінаватая празмерная нагрузка — менавіта яна правакуе моцнае сэксуальнае жаданне.

Яшчэ адзін цікавы нюанс: сучасныя жанчыны, асабліва тыя, што працуюць нароўні з мужчынамі (а часам і больш за іх), становяцца ў сваіх сэксуальных адчуваннях падобнымі на прадстаўнікоў моцнага полу. Гэтыя жанчыны хутчэй узбуджаюцца і атрымліваюць аргазм нават без так званай уступнай гульні.

На думку сэксолагаў, людзі, якія шмат часу праводзяць разам, паняволі пачынаюць паглядваць адно на аднаго як на аб'ект сэксуальнага жадання. Згодна з апытаннем кампаніі "Дзюрэкс", пра тое, каб заняцца сэксам з калегам па працы, думае палова мужчын і трэць жанчын.

"Праца — гэта сэксуальна-ўзбуджальны від чалавечай дзейнасці. У пэўны момант офіс ператвараецца ў наймацнейшы афрадызіяк". Так лічаць амерыканскія псіхолагі, паведамляе Shkolazhіznі.ru.

У адну кампанію трапляюць звычайна людзі з роднаснымі інтарэсамі, здольнасцямі і досведам — гэта эмацыйна збліжае. А каб адпавядаць высокім патрабаванням сваіх працадаўцаў, спачатку дзеляць паміж сабой памяшканне офіса, а затым і ложак. Часцей за ўсё такое здараецца ў рэкламных і маркетынгавых агенцтвах, адвакацкіх канторах, медыя-рэдакцыях і рознага кшталту творчых арганізацыях. У цэлым — усюды, дзе час працы не нармуецца, а службовыя абавязкі і асабістае жыццё цяжка падзяліць.

Даследчыкі адзначаюць, што службовыя раманы забароненыя толькі на 10 % прадпрыемстваў ЗША. Эксперты гавораць: некаторыя працадаўцы нават задаволеныя, калі на фірме пануе атмасфера флірту. Быццам бы пры гэтым супрацоўнікі мацней звязаныя з фірмай, ахвотней праводзяць час разам і стараюцца як мага лепш праявіць сябе ў справе.

Маладыя партнёркі падсілкоўваюць мужчын энергіяй

Сэкс з маладзейшымі каханкамі прадаўжае мужчынам жыццё. Даследчыкі нямецкага Універсітэта Макса Планка на працягу 15 гадоў аналізавалі прычыны смяротнасці мужчын і прыйшлі да высновы, што верагоднасць ранняй смерці ў прадстаўнікоў моцнага полу зніжаецца на чвэрць, калі партнёрка маладзейшая на 15—17 гадоў.

Вучоныя сцвярджаюць, што маладыя палюбоўніцы ў літаральным сэнсе слова падсілкоўваюць энергіяй мужчын, якія з усіх сілаў спрабуюць заставацца "на вышыні" і пачынаюць весці актыўны лад жыцця. Гэта пазітыўна ўплывае на здароўе мужчын і прадаўжае ім жыццё.

Каментары1

Цяпер чытаюць

«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч

«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч

Усе навіны →
Усе навіны

На Куршчыне ўкраінцы збілі расійскі знішчальнік Су-353

Не пішыце лісты палітвязням у калоніі, гэта бессэнсоўна25

Зяленскі: Кіроўцы фур, з якіх атакавалі вайсковыя аэрадромы ў Расіі, не ведалі пра аперацыю «Павуцінне»1

Колькі каштуюць ягады, гародніна і садавіна на «Камароўцы»3

У Беларусі няма бульбы, а ў Японіі дэфіцыт рысу1

Зяленскі расказаў, чыя зброя выкарыстоўвалася ў аперацыі «Павуцінне»

Ліса перайшла дарогу на зялёнае ў Гродне ВІДЭА

У мінскай краме прадаюць «нарвежскі» сыр ад беларускага вытворцы па 160 рублёў за кілаграм9

Пяць гадоў таму арыштавалі Паўла Севярынца1

больш чытаных навін
больш лайканых навін

«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч

«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч

Галоўнае
Усе навіны →

Заўвага:

 

 

 

 

Закрыць Паведаміць