У Бабруйску напярэдадні гадавіны запуску гарадскога электратранспарту ўсталявалі помнік савецкаму тралейбусу ЗіУ-682. Менавіта такія машыны калісьці пачалі вазіць бабруйчан, а цяпер адзін з адрэстаўраваных тралейбусаў стаў гарадской цікавосткай.
Помнік з'явіўся каля канцавога прыпынку «Яловікі» на Мінскай вуліцы. Месца выбралі невыпадкова: менавіта адсюль 30 жніўня 1978 года выйшаў на свой першы рэйс першы бабруйскі тралейбус.
«Месца выбрана не выпадкова: менавіта з гэтага прыпынку 48 гадоў таму першы гарадскі электратранспарт пачаў свой маршрут», — расказаў «СБ» галоўны інжынер бабруйскага тралейбуснага парка Міхаіл Каляеў.
Для помніка выбралі ЗіУ-682 — адну з самых масавых мадэляў савецкіх тралейбусаў. Перад тым як заняць месца на пастаменце, машына прайшла рэстаўрацыю — ад рамонту кузава да новай афарбоўкі.
Сёння па Бабруйску курсіруюць больш за 40 тралейбусаў на чатырох гарадскіх маршрутах.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары
Лепей б у дэпо крытым музей зрабілі б, уваход за кошт талону або па праязному, ды раз у год на парад рэтратэхнікі: быў бы і сэнс, быў бы і прафіт
[Зрэдагавана]