У Бабруйску судмедэкспертам давялося расследаваць незвычайны выпадак смерці: 59‑гадовы мужчына загінуў пасля таго, як упаў тварам у лужыну і захлынуўся вадой, піша прэс-служба Дзяржаўнага камітэта судовых экспертыз.
Інцыдэнт адбыўся пасля выпадковай сустрэчы на вуліцы. 43‑гадовы бабруец папрасіў у старэйшага мужчыны цыгарэту. Паміж імі ўзнікла сварка, якая перарасла ў бойку. 59‑гадовы мужчына быў п’яны. Пасля некалькіх удараў па галаве ён упаў на асфальт і апынуўся тварам уніз у лужыне.
Ягоны праціўнік выцягнуў мужчыну з вады і выклікаў хуткую дапамогу і міліцыю. Аднак выратаваць пацярпелага не ўдалося.
Каб дакладна ўстанавіць прычыну смерці, у Бабруйскім міжраённым аддзеле Дзяржаўнага камітэта судовых экспертыз правялі судова-медыцынскую экспертызу.
Эксперты выявілі на галаве і руках загінулага цялесныя пашкоджанні. Яны былі аднесеныя да лёгкіх і, паводле заключэння эксперта, не знаходзіліся ў прычыннай сувязі са смерцю. У крыві мужчыны выявілі 3,6 праміле этылавага спірту.
Прычынай смерці стала механічная асфіксія — перакрыццё дыхальных шляхоў вадой падчас утоплення. Такім чынам, для смяротнага зыходу аказалася дастаткова нават невялікай колькасці вады ў лужыне, калі чалавек не можа своечасова падняць галаву.
У дачыненні да 43‑гадовага бабруйца Следчы камітэт распачаў крымінальную справу за прычыненне смерці па неасцярожнасці.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў23
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Мужчина в луже не утонул, а захлебнулся. Захлебнуться можно и в тарелке супа, напившись упав в нее лицом, но утонуть в тарелке нельзя