Туск заявіў, што ў Польшчы найхутчэй упала расійская крылатая ракета Х-101
Польскія сілы СПА былі гатовыя збіць расійскую ракету, якая ўпала на Любліншчыне, запэўнівае польскі бок.
Падчас масіраванага ўдару РФ па Украіне ў паветраную прастору Польшчы заляцела і ўпала крылатая ракета.
Прэм'ер-міністр Дональд Туск пацвердзіў інцыдэнт і заявіў: «Падчас масіраваных атак Расіі па Украіне адбылося парушэнне польскай паветранай прасторы. Мы маем сур'ёзнае здарэнне».
Кіраўнік урада падкрэсліў аператыўнасць вайскоўцаў: «Першыя звесткі адназначна паказваюць, што адпаведныя службы, перш за ўсё войска і нашы пілоты, спрацавалі вельмі хутка і эфектыўна».
Ён таксама дадаў: «Мы былі гатовыя збіць ракету ў выпадку, калі б яна паляцела далей».
Пра тып ракеты Туск адзначыў: «Усё паказвае на тое, што мы маем справу з расійскай ракетай Х-101, але мы не апярэджваем вынікаў дэталёвага даследавання».
У выніку здарэння ніхто не пацярпеў, разбурэнняў няма. На месца падзення неадкладна выехалі прэм'ер-міністр Дональд Туск, кіраўніцтва Міністэрства нацыянальнай абароны і МУС.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў9
Каментары
Наколькі я разумею , польскай СПА пакуль удалося толькі адзін дрон збіць.
Добра калі і далей у ніх будзе такі лайтовы рэжым трэнаваньняў.