У Расіі мігранта з Беларусі асудзілі за распальванне варожасці да мігрантаў з Азіі
Яго аштрафавалі на $100.
Грамадзянін Беларусі, ураджэнец Віцебска абурыўся навінамі пра таксіста-мігранта, які ўчыніў стральбу ў прыгарадзе Санкт-Пецярбурга — дзе жыве і сам беларус.
Мужчына пакінуў ва «Укантакце» серыю каментароў з заклікамі да выдварэння мігрантаў і варожымі выказваннямі ў адрас «выхадцаў з Азіі». Беларус пісаў пра «спрадвечную варожасць» мігрантаў да рускіх.
На судзе ён поўнасцю прызнаў віну і растлумачыў свой учынак, што напісаў каментары ў стане алкагольнага ап'янення, эмацыйна рэагуючы на тое, што раней грамадзянін Узбекістана здзейсніў гвалт у дачыненні да яго сястры. Ён падкрэсліў, што асабіста не адчувае нянавісці да выхадцаў з Каўказа і Азіі і абавязаўся больш так не рабіць.
Маскоўскі раённы суд Санкт-Пецярбурга прызнаў беларуса вінаватым паводле артыкула 20.3.1 КоАП РФ (дзеянні, накіраваныя на ўзбуджэнне нянавісці і варожасці) і прызначыў штраф памерам каля $100.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары