Мінскае «Дынама» таксама прайшло далей у Лізе канферэнцый. І таксама праз серыю пенальці
Каманда Аляксандра Шагойкі ў Скоп'е спачатку перамагла «Сілекс» з Паўночнай Македоніі ў асноўны час, а пасля аказалася лепшай у серыі пенальці.
Прайграўшы ў першым матчы з лікам 0:1, мінчукі павінны былі абавязкова выйграваць хоць з мінімальным лікам, і з гэтай задачай справіліся: забіты на 16‑й хвіліне год Яўгена Малашэвіча аказаўся адзіным.
Паколькі па выніку двух матчаў лік выраўняўся, а дадатковы час выніку таксама не даў, справа дайшла да серыі 11-метровых. І ў ёй лепшымі, як і ў матчы барысаўскага БАТЭ з албанскім «Эльбасані», таксама аказаліся беларускія футбалісты.
«Дынама» перамагло з лікам 6:5. Мінчукі Раман Бегуноў, Фаваз Абдулахі, Арцём Сакалоўскі, Гулжыгіт Алыкулаў, Андрэй Луцковіч і Уладзіслаў Калінін прабілі свае ўдары трапна, а вось македонец Ангелчэ Цімоўскі, які біў пенальці за сваю каманду шостым, схібіў.
Такім чынам, мінскае «Дынама» прайшло ў 2‑гі раўнд Лігі канферэнцый, у якім сустрэнецца з азербайджанскім «Нефтчы» з Баку.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары