Былы прэм’ер-міністр Венгрыі Віктар Орбан, які займаў гэтую пасаду 16 гадоў да мая 2026 года, зноў абраны старшынёй партыі «Фідэс», нягледзячы на скрышальную паразу гэтай палітычнай сілы на парламенцкіх выбарах у красавіку, піша «Еўрапейская праўда».
На з’ездзе партыі ў Будапешце за Орбана прагаласавалі 729 дэлегатаў, яшчэ восем устрымаліся. Пасля абвяшчэння вынікаў ён падзякаваў аднапартыйцам за давер.
У сваёй прамове Орбан прызнаў, што нясе стратэгічную адказнасць за выбарчую паразу. Разам з тым ён заявіў, што не збіраецца адмаўляцца ад палітычнай дзейнасці і мае намер дапамагчы партыі аднавіцца і абнавіцца ў найбліжэйшыя месяцы.
Ён таксама адзначыў, што хоча перадаць «Фідэс» маладому пакаленню як палітычную сілу, здольную зноў змагацца за перамогу на выбарах. Орбан падкрэсліў, што не плануе кардынальна мяняць свае погляды або ісці на палітычныя кампрамісы, якія супярэчаць яго перакананням.
Раней у СМІ з’яўлялася інфармацыя, што асобныя прадстаўнікі амерыканскага палітычнага асяроддзя, звязанага з рухам MAGA, разглядалі магчымасць працаўладкавання Орбана ў міжнародных структурах, у тым ліку ў ААН, у выпадку магчымых судовых праблем на радзіме. Таксама журналісты паведамлялі пра нібыта магчымыя планы Орбана шукаць прытулак за мяжой, аднак афіцыйнага пацвярджэння гэтаму не было.
Былога прэм'ера Венгрыі Орбана могуць прыстроіць на працу ў ААН
Парламент Венгрыі адмяніў ранейшае рашэнне аб выхадзе краіны з Міжнароднага крымінальнага суда
Прэзідэнт Венгрыі адмовіўся выконваць патрабаванне Мадзьяра адносна адстаўкі
У Венгрыі ўпершыню выклікалі расійскага пасла для тлумачэнняў пра вайну
«Упершыню за гады ў зале няма рускіх» — Туск тонка пакпіў з Орбана
Цяпер чытаюць
Латвія «па тэхнічных прычынах» закрыла мяжу з Беларуссю12
Каментары