Прэзідэнт Венгрыі адмовіўся выконваць патрабаванне Мадзьяра адносна адстаўкі
Прэзідэнт Венгрыі Тамаш Шуёк адхіліў патрабаванне скласці свае паўнамоцтвы да канца мая, якое выставіў яму новы прэм’ер-міністр краіны Петэр Мадзьяр. Пра гэта палітык сказаў у інтэрв’ю венгерскаму выданню Index.
Раней Петэр Мадзьяр заявіў, што Шуёк ніякім чынам не можа прадстаўляць Венгрыю як прэзідэнт, і паставіў яму дэдлайн да 31 мая, каб пакінуць пасаду.
На гэта венгерскі прэзідэнт адказаў, што няма ніякіх канстытуцыйных падстаў, якія змусілі б яго пайсці ў адстаўку, таму ён застанецца верным сваёй прысязе і плануе працягваць працаваць на пасадзе, пакуль «выкананне абавязкаў не стане немагчымым».
«Катэгорыя неадэкватнасці і няздатнасці (гэта Мадзьяр закідваў Шуёку — рэд.) не ўваходзіць у Канстытуцыю Венгрыі. Гэта палітычныя погляды, і як бы я ні хацеў іх пракаментаваць, але мне не трэба мець справу з палітычнымі поглядамі. Канстытуцыя не ведае такіх катэгорый», — кажа Шуёк.
Прэзідэнт Венгрыі таксама заявіў, што экс-прэм’ер Віктар Орбан папрасіў яго стаць прэзідэнтам і сказаў, што партыя «Фідэс» падтрымлівае яго кандыдатуру. Ужо пасля абрання на пасаду Шуёк, маўляў, кансультаваўся з Орбанам прыкладна раз на месяц, аднак «не атрымліваў ніякіх парад».
Прэмʼер-міністр Петэр Мадзьяр рэзка адрэагаваў на згаданае інтэрвʼю. Ён заявіў у сацыяльных сетках, што заява прэзідэнта сведчыць пра тое, што «эра Орбана ўсё яшчэ захоўвае свае пазіцыі», і што сам Шуёк «страціў давер большасці грамадства».
Мадзьяр абвінаваціў кіраўніка дзяржавы ў тым, што ён застаецца палітычна звязаным з былым лагерам партыі «Фідэс» і не прадстаўляе ўсю нацыю. Кіраўнік урада таксама абвясціў аб далейшым палітычным ціску на прэзідэнцкі палац.
Паводле слоў Мадзьяра, далейшая прысутнасць Шуёка на пасадзе прэзідэнта перашкаджае аднаўленню даверу да дзяржавы пасля гадоў кіравання Віктара Орбана.
Упершыню Мадзьяр заклікаў прэзідэнта пайсці ў адстаўку адразу пасля перамогі на парламенцкіх выбарах, падчас мітынгу.
«Я заклікаю прэзідэнта Рэспублікі неадкладна папрасіць пераможцу сфарміраваць урад, а потым пайсці ў адстаўку. Я заклікаю ўсіх марыянетак, якія знаходзіліся пры ўладзе на працягу апошніх 16 гадоў, зрабіць тое самае», — сказаў Мадзьяр.
У Венгрыі ўпершыню выклікалі расійскага пасла для тлумачэнняў пра вайну
Паплечнік Петэра Мадзьяра, відэа з палымяным танцам якога скарыла сацсеткі, паўтарыў яго і на інаўгурацыі ВІДЭА
У новым урадзе Венгрыі будзе невідушчы міністр — які ўжо стаў майстрам айкідо і юрыстам
«Упершыню за гады ў зале няма рускіх» — Туск тонка пакпіў з Орбана
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары