Упершыню ён пройдзе адразу ў трох краінах і ўпершыню ў ім возьме ўдзел 48 зборных, фактычна кожны чацвёрты член ФІФА.
Сёння матчам Мексіка — Паўднёвая Афрыка стартуе чэмпіянат свету па футболе.
Упершыню ён пройдзе адразу ў трох краінах: ЗША, Мексіка і Канада. У 2002 годзе мундыяль праходзіў у Паўднёвай Карэі і Японіі. Зараз адразу тры краіны, прычым Мексіка прымае чэмпіянат свету трэці раз (1970, 1986, 2026), ЗША другі (1994, 2026), Канада — першы.
Таксама ўпершыню ў ім возьмуць удзел 48 зборных (з 1998 года ўдзельнічалі 32). Гэта павялічыць колькасць гульняў больш чым у два разы. Калі ўдзельнічалі 32 каманды, было 48 матчаў, зараз будзе 104.
Зараз усе зборныя разбітыя на 12 груп
Група А: Мексіка, Паўднёвая Карэя, Чэхія, ПАР
В: Швейцарыя, Боснія, Канада, Катар
С: Бразілія, Шатландыя, Марока, Гаіці
D: ЗША, Турцыя, Парагвай, Аўстралія
E: Германія, Кот д’Івуар, Эквадор, Кюрасаа
F: Нідэрланды, Швецыя, Японія, Туніс
G: Бельгія, Егіпет, Іран, Новая Зеландыя
H: Іспанія, Уругвай, Каба-Вердэ, Саудаўская Аравія
I: Францыя, Нарвегія, Сенегал, Ірак
J: Аргенціна, Аўстрыя, Алжыр, Іарданія.
K: Партугалія, Калумбія, Узбекістан, ДР Конга
L: Англія, Харватыя, Гана, Панама.
Групавы турнір пройдзе з 11 па 27 чэрвеня.
З кожнай групы ў плэй-оф выходзяць па дзве лепшыя каманды, а таксама восем найлепшых зборных, што зоймуць трэція месцы.
Матчы 1/16 фіналу — з 28 чэрвеня па 3 ліпеня, 1/8 фіналу — 4‑7 ліпеня, 1/4 фіналу — 9‑11 ліпеня, паўфіналы 14 і 15 ліпеня, матч за 3‑е месца — 18 ліпеня, фінал — 19 ліпеня.
З Паўночнай Амерыкай у нас вялікая розніца ў часе.
Самы ранні матч будзе пачынацца а 19‑й і 20‑й па беларускім часе, асноўныя цікавосткі а 22‑й і 23-й: будуць таксама гульні а гадзіне ночы, а трэцяй, пятай і сёмай раніцы.
Мундыяль стартуе сёння а 22‑й гульнёй у Мехіка паміж зборнай Мексікі і Паўднёвай Карэяй, заўтра а 5‑й раніцы — Чэхія — Паўднёвая Карэя, вечарам а 22‑й у пятніцу Боснія — Канада.
У дзень падчас групавога турніру будзе праходзіць ад трох да пяці матчаў.
Чатыры гады таму ў Катары сусветнае першынство выйграла Аргенціна, якая была таксама пераможцам у 1978 і 1986 гадах. Рэкорд па тытулах належыць Бразіліі (1958, 1962, 1970, 1994, 2002), у Італіі чатыры перамогі (1934, 1938, 1982, 2006), Германіі — тры (1954, 1990, 2014).
Францыя і Уругвай двойчы бралі тытул, Іспанія і Англія па разе.
У Беларусі матчы чэмпіянату свету будзе паказваць тэлеканал «Спорт ТБ».
У розных краінах — нацыянальныя афіцыйнеыя тэлерадыёвяшчальнікі. Напрыклад, у Польшчы TVP, Літве — TV3 Lithuania, Украіне — «Суспільне» у партнёрстве з мясцовымі праваўладальнікамі (канкрэтная схема паказу залежыць ад матчаў і платформ), у Вялікабрытаніі BBC і ITV будуць дзяліць трансляцыі, Германіі — ARD i ZDF.
Каментары