Мадзьяр вызначыў тры напрамкі, у якіх Будапешт гатовы далучыцца да ўрэгулявання.
Венгрыя гатовая стаць пляцоўкай для перагавораў Украіны і РФ, заявіў прэм’ер Петэр Мадзьяр у інтэрв'ю Frankfurter Allgemeine Zeitung, піша РБК-Украіна.
Мадзьяра спыталі, ці з’яўляецца дастатковая колькасць зброі для самаабароны неабходнай часткай будучых гарантый бяспекі для Украіны. Венгерскі прэм’ер з такім падыходам не пагадзіўся.
Паводле Мадзьяра, рэальныя гарантыі можа даць толькі калектыўная палітычная воля вядучых дзяржаў, а не аб’ём вайсковай дапамогі: «Я не лічу, што зброя з’яўляецца гарантыяй бяспекі. Гарантыі бяспекі можа даць толькі міжнародная супольнасць. Венгрыя не можа адыгрываць тут вырашальную ролю; гэта пытанне буйных дзяржаў», — заявіў ён.
Мадзьяр вызначыў тры напрамкі, у якіх Будапешт гатовы далучыцца да ўрэгулявання.
«Мы можам аказаць дыпламатычную і гуманітарную дапамогу, а Венгрыя таксама магла б быць месцам для перагавораў», — адзначыў ён.
Інтэрв’ю апублікавана пасля візіту Мадзьяра ў Берлін, дзе ён правёў сустрэчу з канцлерам Германіі Фрыдрыхам Мерцам.
На сумеснай прэс-канферэнцыі прэм’ер пацвердзіў, што і пры новым урадзе Венгрыя не будзе адпраўляць ва Украіну ні зброю, ні салдат.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Таму вайна скончыцца, калі іхні фюрар сканае (сам, ці памогуць), але не раней. Ніякія перамовы тут нічога не дадуць.