Амерыканская кампанія Anthropic, вядомая распрацоўкай штучнага інтэлекту Claude, падала заяўку на першаснае размяшчэнне акцый на біржы (IPO). Пра гэта паведаміла сама кампанія.
Дакладныя тэрміны, колькасць акцый і іх кошт пакуль не вызначаны — гэта будзе залежаць ад рынкавай кан’юнктуры. Аднак, паводле прагнозаў The New York Times, выхад на біржу можа адбыцца ўжо гэтай восенню.
Падаўшы заяўку, Anthropic апярэдзіла свайго асноўнага суперніка — кампанію OpenAI (стваральніка ChatGPT), якая таксама плануе IPO. Эксперты адзначаюць, што лідарства ў гэтым працэсе дасць перавагу ў барацьбе за фінансаванне. Пры гэтым у канцы чэрвеня чакаецца выхад на біржу яшчэ аднаго гіганта — SpaceX Ілана Маска.
Anthropic была заснавана пяць гадоў таму выхадцамі з OpenAI. За апошні час яе выручка вырасла амаль у пяць разоў — з 10 да 47 мільярдаў даляраў, у асноўным дзякуючы поспеху інструментаў для праграмавання Claude Code.
На сёння ацэнка Anthropic ужо перавысіла паказчыкі OpenAI ($965 млрд супраць $852 млрд). Эксперты мяркуюць, што будучыя IPO Anthropic, OpenAI і SpaceX (чыя вартасць перавышае трыльён даляраў) могуць стаць аднымі з найбуйнейшых у гісторыі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары