Прыхільнікі традыцыйнага кавалкавага мыла настойваюць на асаблівым адчуванні чысціні, якое яно дае, у той час як аматары геляў лічаць выкарыстанне цвёрдага мыла негігіенічным. Вось меркаванне мікрабіёлага.
Доктар медыцыны Прымроўз Фрыстан (Primrose Freestone), клінічны мікрабіёлаг з Лестэрскага ўніверсітэта, патлумачыў выданню Daily Mailпа, што абедзве формы мыла ў цэлым аднолькава добра змываюць бактэрыі, грыбкі і вірусы са скуры. Але паміж імі ёсць важнае адрозненне: цвёрдае мыла сапраўды можа назапашваць мікраарганізмы.
Гэта звязана з тым, што брусок падчас выкарыстання непасрэдна кантактуе са скурай, збіраючы на сваёй паверхні мікробы. Вадкае ж мыла знаходзіцца ў закрытым кантэйнеры, што выключае прамы кантакт асноўнай масы прадукту з навакольным асяроддзем і скурай розных людзей.
Даследаванні паказалі, што мыла, якім карыстаюцца часта, можа ператварацца ў своеасаблівы «рэзервуар» для бактэрый і грыбкоў. Менавіта таму ў бальніцах і медыцынскіх установах звычайна аддаюць перавагу вадкім сродкам.
Тым не менш, нават калі вы аддаеце перавагу кавалкаваму мылу, рызыка перадачы хвароб, як адзначаюць навукоўцы, зусім малая. Мыла само па сабе створана так, каб разбураць тлушч і забруджванні. Яго малекулы збіраюцца ў міцэлы — своеасаблівыя шарыкі, якія захопліваюць бруд, мікраарганізмы і тлушч, пасля чаго ўсё гэта проста змываецца вадой.
Калі чалавек старанна мые і пасля выцірае рукі ці цела, большасць мікраарганізмаў, што трапілі з паверхні мыла, выдаляюцца механічна. Даследаванні, на якія спасылаецца эксперт, паказваюць, што пры правільным мыцці заражэнне праз цвёрдае мыла малаімавернае.
Як адзначае доктар Фрыстан, значна большай крыніцай рызыкі з'яўляюцца дапаможныя сродкі для мыцця — губкі і мачалкі. Клеткі скуры, якія застаюцца ў іх порах, становяцца ідэальным асяроддзем для размнажэння бактэрый. Больш за тое, жорсткія мачалкі могуць наносіць мікраскапічныя пашкоджанні скуры, праз якія інфекцыя лягчэй трапляе ў арганізм.
Калі вы не гатовыя адмовіцца ад мачалкі ці губкі, то для мінімізацыі рызык яе варта раз на тыдзень замочваць у 10‑працэнтным растворы адбельвальніка, пасля чаго старанна прапаласкваць і высушваць.
Гэта дапаможа знішчыць большасць бактэрый ды грыбкоў і гарантуе, што вы выпадкова не зробіце сябе больш бруднымі ў спробе стаць чысцейшымі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы11
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары