Для прасоўвання іміджу Беларусі за мяжой неабходна больш актыўна прапагандаваць нацыянальныя інтэрнет‑рэсурсы ў сацыяльных сетках, лічыць эксперт Інфармацыйна‑аналітычнага цэнтра пры Адміністрацыі прэзідэнта.
Для прасоўвання іміджу Беларусі за мяжой неабходна больш актыўна прапагандаваць нацыянальныя інтэрнет‑рэсурсы ў сацыяльных сетках.
Такое меркаванне выказаў вядучы спецыяліст Інфармацыйна‑аналітычнага цэнтра пры Адміністрацыі прэзідэнта Аляксей Васількоў 7 чэрвеня на прэс‑канферэнцыі ў Мінску.
Тлумачачы неабходнасць выкарыстання сацыяльных сетак, Васількоў адзначыў, што «ўжо вырасла цэлае пакаленне, якое атрымлівае патрэбную інфармацыю не ў пошукавых сістэмах, а праз сацыяльныя сеткі».
У сваю чаргу прэс‑сакратар МЗС Андрэй Савіных заявіў, што для прасоўвання іміджу краіны нацыянальныя інтэрнет‑праекты павінны мець версіі на замежных мовах і ствараць люстэркавыя сайты, напрыклад, у ЗША.
Савіных падкрэсліў, што без інтэрнет‑сайтаў на англійскай, нямецкай, французскай мовах Беларусі «будзе складана прасоўваць свой імідж за мяжой». «Расійскамоўныя сайты маюць рэгіянальны характар», — падкрэсліў ён.
Прэс‑сакратар МЗС адзначыў, што дзяржава не можа поўнасцю адказваць за фарміраванне іміджу краіны. «Калі намаганні дзяржавы не будуць падтрыманы грамадскімі структурамі, эфекту будзе мала», — сказаў Савіных.
Ён таксама лічыць магчымым заснаваць нацыянальны конкурс па стварэнні інтэрнет‑прадукту, які прасоўваў бы імідж Беларусі за мяжой. Савіных адзначыў, што дзяржава магла б выдзяляць невялікія гранты для рэалізацыі паспяховых ідэй.
-
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы
-
Рагачоўскага актывіста Дзяніса Дашкевіча абвінавачваюць у падрыхтоўцы замаху на дзяцей Ціханоўскай
-
Лукашэнка, разважаючы пра дысцыпліну, увярнуў фразу па-беларуску
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы19
Каментары