Dla prasoŭvańnia imidžu Biełarusi za miažoj nieabchodna bolš aktyŭna prapahandavać nacyjanalnyja interniet‑resursy ŭ sacyjalnych sietkach, ličyć ekśpiert Infarmacyjna‑analityčnaha centra pry Administracyi prezidenta.
Dla prasoŭvańnia imidžu Biełarusi za miažoj nieabchodna bolš aktyŭna prapahandavać nacyjanalnyja interniet‑resursy ŭ sacyjalnych sietkach.
Takoje mierkavańnie vykazaŭ viadučy śpiecyjalist Infarmacyjna‑analityčnaha centra pry Administracyi prezidenta Alaksiej Vasilkoŭ 7 červienia na pres‑kanfierencyi ŭ Minsku.
Tłumačačy nieabchodnaść vykarystańnia sacyjalnych sietak, Vasilkoŭ adznačyŭ, što «ŭžo vyrasła cełaje pakaleńnie, jakoje atrymlivaje patrebnuju infarmacyju nie ŭ pošukavych sistemach, a praz sacyjalnyja sietki».
U svaju čarhu pres‑sakratar MZS Andrej Savinych zajaviŭ, što dla prasoŭvańnia imidžu krainy nacyjanalnyja interniet‑prajekty pavinny mieć viersii na zamiežnych movach i stvarać lusterkavyja sajty, naprykład, u ZŠA.
Savinych padkreśliŭ, što bieź interniet‑sajtaŭ na anhlijskaj, niamieckaj, francuzskaj movach Biełarusi «budzie składana prasoŭvać svoj imidž za miažoj». «Rasijskamoŭnyja sajty majuć rehijanalny charaktar», — padkreśliŭ jon.
Pres‑sakratar MZS adznačyŭ, što dziaržava nie moža poŭnaściu adkazvać za farmiravańnie imidžu krainy. «Kali namahańni dziaržavy nie buduć padtrymany hramadskimi strukturami, efiektu budzie mała», — skazaŭ Savinych.
Jon taksama ličyć mahčymym zasnavać nacyjanalny konkurs pa stvareńni interniet‑praduktu, jaki prasoŭvaŭ by imidž Biełarusi za miažoj. Savinych adznačyŭ, što dziaržava mahła b vydzialać nievialikija hranty dla realizacyi paśpiachovych idej.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»28
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary