Прадстаўнікі дзвюх краін могуць сустрэцца ў Ісламабадзе, каб аднавіць мірныя перамовы, паведаміла WSJ.
Photo by Win McNamee/Getty Images
Паводле інфармацыі суразмоўцаў выдання, ЗША і Іран разам з пасярэднікамі працуюць над аднастаронкавым мемарандумам з 14 пунктаў, які вызначыць параметры перамоў. Яны разлічаны на адзін месяц і накіраваны на спыненне канфлікту.
Таксама важна ведаць яшчэ некалькі момантаў пра гэтыя перамовы:
- Іран упершыню выказаў гатоўнасць абмяркоўваць сваю ядзерную праграму;
- абодва бакі абмяркоўваюць магчымасць вывазу часткі іранскіх запасаў высокаўзбагачанага ўрану за мяжу;
- падрабязнасці адносна працягласці спынення ўзбагачэння ўрану або магчымага вывазу ўзбагачанага ўрану з краіны пакуль застаюцца незразумелымі;
- у рабочым дакуменце змяшчаецца заклік да Ірана аслабіць кантроль над Армузскім пралівам;
- ЗША маюць намер зняць блакаду іранскіх партоў падчас гэтых 30‑дзённых перамоў;
- калі перамовы будуць паспяховымі, месячны тэрмін можа быць працягнуты па ўзаемнай згодзе;
- маштаб змякчэння санкцый застаецца прадметам дыскусій і можа сарваць перамовы.
Некалькі гадзін таму прэзідэнт ЗША Дональд Трамп зноў паразмаўляў з журналістамі. Ён заявіў, што чакае паведамлення аб рашэнні Ірана адносна месячных перамоў ужо ў пятніцу ўвечары.
«Верагодна, сёння ўвечары я атрымаю ліст. Пабачым, як усё пойдзе. Хутка даведаемся», — сказаў ён.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Несмяротныя мерцвякі з "Піратаў Карыбскага мора" нервова закусілі губу.