Незвычайную сустрэчу ўдалося зафіксаваць у Калінкавічах: у аб’ектыў трапіў чорны бусел. Для Беларусі гэта рэдкая птушка, занесеная ў Чырвоную кнігу. Відэа апублікавалі ў інстаграме «Калинковичи. Новости», заўважыла выданне «Смартпрэс».
Незвычайнасць сітуацыі ў тым, што чорны бусел зусім не падобны паводзінамі да свайго белага сваяка. Калі белыя буслы ахвотна селяцца побач з людзьмі, на дахах дамоў і воданапорных вежах, то чорныя выбіраюць цішыню: глухія лясы, участкі каля балот і рэк. Убачыць такую птушку побач з чалавекам — вялікая рэдкасць.
Паводле даных арнітолагаў, у Беларусі налічваецца каля 900—1300 пар чорных буслоў. Від знаходзіцца пад аховай і лічыцца ўразлівым: адна з галоўных пагроз для яго — знікненне звыклых месцаў пасялення.
Дарэчы, менавіта чорны бусел аб'яўлены ў Беларусі птушкай 2026 года, ён перамог у народным галасаванні.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары