Будучы канцэрт гурта BTS у цэнтры Сеула прынясе эканоміцы Паўднёвай Карэі амаль мільярд даляраў
Грашовы эфект параўноўваюць з канцэртамі Тэйлар Свіфт.
Будучы канцэрт паўднёвакарэйскай поп-групы BTS у цэнтры Сеула прынясе эканоміцы краіны эфект, які вымяраецца трыльёнамі вонаў (больш за мільярд даляраў). Пра гэта заявіў міністр фінансаў Рэспублікі Карэя Ку Юн Чхоль, яго словы перадае Yonhap News Agency.
«Канцэрт, як чакаецца, створыць эканамічную каштоўнасць у трыльёны вонаў, але яго нематэрыяльныя эфекты могуць быць у некалькі або нават дзясяткі разоў большыя», — адзначыў міністр.
Карэйскі інстытут культуры і турызму ацэньвае эканамічны эфект ад канцэрта ў 1,2 трлн вонаў, што складае каля $900 млн па актуальным курсе, з улікам турыстычных выдаткаў, даходаў ад інтэлектуальнай уласнасці і ўзмацнення нацыянальнага брэнду. Аналітыкі Bloomberg прагназуюць, што толькі адзін дзень выступу прынясе каля $177 млн.
Група BTS пайшла на амаль чатырохгадовы перапынак у сумеснай дзейнасці ў 2022 годзе з-за неабходнасці прайсці абавязковую вайсковую службу ў Паўднёвай Карэі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі2
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
Каментары