Журналістам «Белсата» ўжо ўдалося паразмаўляць са сваёй журналісткай Кацярынай Андрэевай, якую вызвалілі 19 сакавіка разам з яшчэ 249‑цю палітвязнямі, адразу выслаўшы ў Літву.
«Дзякуй за тое, што вы сустракаеце мяне. Я вельмі таксама ўсцешаная, што я на волі, вельмі шчаслівая. Дзякуй усім, хто намаганні для гэтага прыкладаў. Нас вельмі цёпла сустрэлі. Буду адаптавацца паціху. Ну і да хуткай сустрэчы», — сказала па тэлефоне Кацярына Андрэева.
Кацярына Андрэева (Бахвалава) нарадзілася ў 1993 годзе. Пасля школы паступіла ў МДЛУ, але на трэцім курсе з’ехала валанцёркай у Іспанію, дзе правяла два гады. Пасля вяртання на радзіму вырашыла працягнуць сямейную дынастыю і заняцца журналістыкай. Яе дзядуля — вядомы журналіст Сяргей Ваганаў. Працавала на «Радыё Свабода», на «Белсаце».
Кацярыну арыштавалі ў лістападзе 2020 года. Яна не вярнулася дадому з Плошчы Пераменаў, адкуль вяла для «Белсата» жывы эфір. Андрэеву і аператарку Дар'ю Чульцову пусцілі да сябе на балкон жыхары дома, аднак сілавікі ўзялі штурмам кватэру. На дзяўчат завялі крымінальную справу і прысудзілі па 2 гады зняволення за «ўдзел» у пратэстах.
Аднак калі Дар'я Чульцова выйшла па сканчэнні тэрміну, то на Кацярыну Андрэеву завялі новую крыміналку — за «здраду дзяржаве». Агулам журналістка атрымала 8 гадоў і 3 месяцы зняволення.
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў
Спіс палітвязняў, вызваленых 19 сакавіка
«Вялікая радасць і палёгка на сэрцы». Святлана Ціханоўская прывітала вызваленне палітвязняў
Мікола Статкевіч: Вітаю вас на волі! Вы — гонар і сумленне нашай нацыі!
Джон Коўл апублікаваў ФОТА з вызваленымі палітвязнямі, дэпартаванымі ў Літву
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары