Z-блогера, які нечакана заклікаў аддаць Пуціна пад суд, адправілі ў псіхбальніцу
Расійскага праўладнага блогера і аўтара даносаў Ілью Рамясло, які раптоўна расчараваўся ў дзейнай уладзе Расіі і выступіў супраць Уладзіміра Пуціна, адправілі ў псіхіятрычную клініку.
У Санкт-Пецярбургу праўладны блогер і юрыст Ілья Рамясло, які раней праславіўся шматгадовай барацьбой з Аляксеем Навальным і крымінальнымі справамі супраць ФБК, быў шпіталізаваны ў псіхіятрычную бальніцу №3. Гэтую інфармацыю, якую спачатку распаўсюдзілі Z-каналы, а потым «Фантанцы» пацвердзілі непасрэдна ў даведачнай службе медыцынскай установы.
Каналы пішуць, што з раніцы 19 сакавіка Рамясло, які напярэдадні даў серыю інтэрв'ю з антыпуцінскімі выказваннямі, перастаў адказваць на тэлефонныя званкі і некалькі гадзін не з'яўляўся ў сацсетках.
Рэзкі паварот у лёсе блогера адбыўся пасля таго, як 17 сакавіка ён апублікаваў маніфест «Пяць прычын, па якіх я перастаў падтрымліваць Уладзіміра Пуціна».
У сваім тэксце Рамясло назваў вайну з Украінай тупіковай, заявіў пра разбурэнне расійскай эканомікі, удушэнне свабоды слова і празмерна доўгае знаходжанне прэзідэнта пры ўладзе.
Нягледзячы на чуткі пра ўзлом акаўнта, на наступны дзень блогер асабіста пацвердзіў сваё аўтарства і даў серыю інтэрв’ю. Аднак ужо з раніцы 19 сакавіка ён перастаў выходзіць на сувязь, пасля чаго стала вядома пра яго знаходжанне ў псіхіятрычнай клініцы.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары
"Z-блогер нечакана назваў Пуціна нелегітымным і заклікаў аддаць яго пад суд" .
-NN
ён пад ФСБ працуе, ФСБ:шнікі гэта зрабілі. Tak, Новы 1917 на шляху !