Улады Афганістана, дзе цяпер кіруе ісламісцкі рух «Талібан», заявілі пра пачатак шырокамаштабнай вайсковай аперацыі супраць Пакістана. Паводле іх слоў, афганскія сілы атакуюць пакістанскія блокпасты, і нібыта ўжо ўзятыя пад кантроль 15 пазіцый без страт з афганскага боку, паведамляе Euronews.
У Кабуле сцвярджаюць, што гэта адказ на авіяўдары, якія Пакістан нанёс уночы ў нядзелю па афганскіх правінцыях Нангархар і Пактыка. Паводле звестак місіі ААН у Афганістане, у выніку тых удараў загінулі не менш як 13 мірных жыхароў, у той час як афганскія ўлады паведамляюць пра 18 загінулых. Пакістанскі бок раней заяўляў, што ў выніку авіяўдараў былі ліквідаваныя больш за 80 баевікоў.
Афіцыйных каментароў з боку Пакістана адносна новай аперацыі пакуль не паступала.
Ісламабад тлумачыў авіяўдары адказам на серыю тэрактаў у Пакістане, учыненых смяротнікамі. Пакістанскія ўлады абвінавачваюць «Талібан» у тым, што ён не перашкаджае баевікам перасякаць мяжу і дзейнічаць на пакістанскай тэрыторыі. Афганскі бок гэтыя абвінавачанні адхіляе.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары