Telegram ператварыўся ў бескантрольную зброю ў руках НАТА, Украіны і тэрарыстаў, а адмова Дурава ад супрацоўніцтва з расійскімі сілавікамі стала прычынай гібелі людзей. Адразу некалькіх расійскіх выданняў выйшлі з выкрывальнымі артыкуламі супраць Паўла Дурава.
Выданні са спасылкай на матэрыялы ФСБ адзначаюць, што з 2022 года ў Расіі зарэгістравана больш за 153 тысячы злачынстваў, здзейсненых з выкарыстаннем месенджара Telegram, з іх 33 тысячы — дыверсійна-тэрарыстычна і экстрэмісцкія, уключаючы арганізацыю выбухаў, падпалаў ваенкаматаў і забойстваў.
Паводле інфармацыі ФСБ, праз Telegram каардынаваўся тэракт у «Крокус Сіці Холе» ў сакавіку 2024 года.
Паводле звестак ФСБ, выкарыстоўваючы аналітыку месенджара, зламыснікі збіралі інфармацыю аб перамяшчэннях высокапастаўленых вайскоўцаў, блогераў і журналістаў, якія пасля сталі ахвярамі злачынстваў.
Акрамя таго, у спецслужбе паведамілі, што ў Расіі было папярэджана 475 тэрактаў, падрыхтоўка якіх вялася праз Telegram.
ФСБ даводзіць, што Telegram у Расіі атрымаў статус не сродку сувязі, а стратэгічнай зброі праціўніка.
У кантэксце вайны месенджар называюць лічбавым штабам НАТА і Украіны.
Дурава вінавацяць у тым, што ён не ідзе на супрацоўніцтва з расійскімі сілавікамі.
Таму ў жніўні 2025 года ў Расіі абмежавалі галасавыя выклікі ў Telegram, што, сцвярджае ФСБ, знізіла кіберзлачыннасць у РФ на 23%.
10 лютага 2026 года Раскамнагляд пачаў маштабную блакіроўку, якую называюць «дэградацыяй трафіку» — хуткасць працы месенджара ўпала на 55%.
Дураў тады адказаў, што з гэтай задумы нічога талковага не атрымаецца.
«Расія абмяжоўвае доступ да Telegram у спробе прымусіць сваіх грамадзян перайсці на дзяржаўны месенджар, створаны для назірання і палітычнай цэнзуры.
8 гадоў таму Іран спрабаваў такую ж стратэгію — і праваліўся. Ён забараніў Telegram на выдуманых падставах, спрабуючы прымусіць людзей карыстацца дзяржаўнай альтэрнатывай.
Нягледзячы на забарону, большасць іранцаў усё яшчэ карыстаюцца Telegram (абыходзячы цэнзуру) і аддаюць яму перавагу перад праграмамі з назіраннем.
Абмежаванне свабоды грамадзян ніколі не з'яўляецца правільным адказам. Telegram абараняе свабоду слова і прыватнасць, нягледзячы на ціск» — напісаў тады Павел Дураў.
Цяпер супраць Паўла Дурава ў Расіі распачата крымінальная справа па артыкуле «Садзейнічанне тэрарыстычнай дзейнасці» (ч. 1.1 арт. 205.1 КК РФ).
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
-
Прэзідэнт Фінляндыі расказаў, якія пасланні ад Украіны перадаў Пуціну падчас размовы з ім
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары