Раней яна вырашала пытанні трансгендараў і пацыфістаў, а цяпер шукае «кліматычную справядлівасць».
Беларуская палітычная актывістка Вольга Карач знайшла новы профіль дзейнасці. Яна выступае з вэбінарамі пра клімат.
Яе курс называецца «Уводзіны ў фемінізм і кліматычную справядлівасць».
Карач абяцае патлумачыць усім ахвотным, як звязаны кліматычны крызіс з правамі жанчын, у прыватнасці, бежанак, а таксама з гендарнай справядлівасцю.
Анонс яе кліматычных вэбінараў набраў у фэйсбуку і інстаграме па два лайкі, хоць колькасць падпісчыкаў перавышае 22 тысячы чалавек.
У 2020‑м Вольга Карач займалася абаронай правоў трансгендараў.
«Я нават не ведаю, пад што сёння нельга атрымаць грошы пры вялікім жаданні. Можна атрымліваць грошы пад барацьбу за правы трансгендараў, можна атрымліваць грошы за барацьбу супраць правоў трансгендараў — на гэта таксама выдзяляюцца сродкі, проста з розных структураў», — прызнавалася яна ў інтэрв’ю «Нашай Ніве».
У 2021‑2022 яна падтрымлівала ўсіх, хто выступаў за радыкальная акцыі «прамога дзеяння» ў барацьбе супраць Аляксандра Лукашэнкі.
А пачынаючы з 2022 года пайшла ў «барацьбу за мір і раззбраенне» — абараняе «беларускіх дэзерціраў» і дзейнічае ў партнёрстве з арганізацыямі, якія заклікаюць не даваць зброю Украіне.
Карач жыве ў Літве, але прызнаная пагрозай нацыянальнай бяспецы гэтай краіны.
Каб не плаціць падатак на сабак, мінчукі пачалі здаваць іх у пункты адлову25
Каментары
За якія тэмы эўрапейскія фонды гатовы плаціць, там і гатовы працаваць.