У Брэсце ў сярэдзіне верасня другі раз за год зацвіла акацыя. Звычайна гэта дрэва цвіце ў канцы мая — пачатку чэрвеня, піша Tochka.by.
Незвычайную з’яву заўважыла мясцовая жыхарка Жана ў мікрараёне Усход на Гродзенскай вуліцы і сфатаграфавала дрэва. Яна адзначыла, што апошнім часам у Беларусі расліны нібыта «блытаюцца» з порамі года: раней у Брэсце паўторна зацвіталі каштаны і бэз.
Прычынай гэтай з'явы, як лічаць спецыялісты, магло стаць анамальнае надвор'е. Увесну, калі расліны павінны былі актыўна развівацца і цвісці, усталяваліся спёка і засуха. Праз нястачу вільгаці частка пупышак перайшла ў стан спакою.
Калі пазней умовы надвор’я палепшыліся, гэтыя пупышкі «прачнуліся» і пачалі развівацца, але ўжо са значным спазненнем. Таму некаторыя дрэвы і зацвітаюць паўторна восенню.
На незвычайны рытм раслін могуць уплываць і гарадскія ўмовы. Асфальт і бетон назапашваюць і аддаюць цяпло, таму ў горадзе дрэвы знаходзяцца ў іншым тэмпературным асяроддзі, чым у прыродзе.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары