Злучаныя Штаты нібыта вельмі блізкія да рашэння пра маштабную ваенную аперацыю супраць Ірана, і яна можа пачацца ўжо ў набліжэйшы час. Пра гэта са спасылкай на крыніцы паведамляе партал Axios, піша «Еўрапейская праўда».
Паводле слоў крыніц выдання, у адміністрацыі Дональда Трампа блізкія да рашэння пра маштабную ўзброеную аперацыю супраць Ірана, якая будзе бліжэйшай да поўнамаштабнай вайны, чым маланкавая і «кропкавая» аперацыя ў Венесуэле.
Верагодна, гэта будзе сумесная з Ізраілем кампанія, значна больш маштабная за «12‑дзённую вайну» ў чэрвені 2025 года, калі ЗША ўдарылі па падземных ядзерных аб’ектах Ірана.
Трамп быў блізкі да рашэння аб ударах па Іране яшчэ ў пачатку студзеня, назіраючы за крывавай расправай з пратэстоўцамі. Аднак пасля гэтага адміністрацыя пераключылася на «падвойную тактыку» — спробы перамоў з Тэгеранам па яго ядзернай праграме паралельна з нарошчваннем вайсковай прысутнасці ў рэгіёне. Цяпер не падобна, што перагаворы прывядуць да жаданага для ЗША выніку.
Непадалёк ад Ірана ўжо знаходзяцца два авіяносцы, з дзясятак вайсковых суднаў, сотні знішчальнікаў і шматлікія сістэмы СПА. Толькі за апошнія 24 гадзіны на Блізкі Усход адправіліся яшчэ каля 50 знішчальнікаў.
Некаторыя крыніцы ў ЗША кажуць, што для падрыхтоўкі аперацыі трэба яшчэ нямала часу. Аднак адзін з дарадцаў сцвярджае, што ў Трампа ўжо «канчаецца цярпенне», нягледзячы на перасцярогі некаторых членаў каманды, і дае «90% імавернасці» таго, што аперацыя пачнецца ў найбліжэйшыя тыдні.
У аўторак адбыўся чарговы раўнд перамоў ЗША і Ірана ў Жэневе. Кіраўнік МЗС Ірана пасля гэтага заявіў пра «пачатак шляху да пагаднення» паміж краінамі.
Улады Ірана распачалі не менш за 23 тысячы крымінальных спраў на пратэстоўцаў
Трамп: Змена рэжыму ў Іране — найлепшае, што можа адбыцца
Вялікабрытанія ў чаканні абвастрэння ў Іране перакінула самалёты на Кіпр
Трамп падпісаў указ аб павышэнні тарыфаў для краін, якія гандлююць з Іранам
Сёння ў Амане адбудуцца перамовы ЗША і Ірана. Ці дапамогуць яны прадухіліць вайну?
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
Što da "жаданага для ЗША выніку", upeŭnieny, heta vynik žadany ŭsimi, a nia tolki USA...