13 лютага самалёт з бартавым нумарам EW-254PA здзейсніў свой апошні рэйс у складзе флоту Belavia, паведаміла прэс-служба авіякампаніі. Ён даставіў пасажыраў з маскоўскага аэрапорта «Унукава» ў Мінск і пасля гэтага закончыў сваю лётную кар’еру.
Фота: «Белавія»
Гэты борт стаў першым Boeing 737‑300 у авіякампаніі і эксплуатавался з чэрвеня 2008 года. За гады службы самалёт правёў у небе 31 463 гадзіны і выканаў 17 173 рэйсы.
За некалькі тыдняў да прэзентацыі новай ліўрэі «Белавія» ў 2016 годзе менавіта EW-254PA першым атрымаў васілёк на кілі — сімвал, які сёння добра пазнавальны.
Сярод адметных асаблівасцяў гэтага самалёта — убудаваны трап каля левых пасажырскіх дзвярэй, дзякуючы якому можна рабіць пасадку і высадку без выкарыстання дадатковай наземнай тэхнікі.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары