Вайскоўца з роты ганаровай варты, які пасля працаваў у ахове дыппрадстаўніцтваў, асудзілі за палітыку
31‑гадовага Максіма Сямітку затрымалі амаль год таму.
Максім Сямітка нарадзіўся 8 студзеня 1995 года. Родам ён з Гомельшчыны — вучыўся ў школе №2 у Нароўлі, пазней жыў у Мазыры і Калінкавічах.
Падчас набору ў армію Сямітка трапіў у элітнае падраздзяленне — роту ганаровай варты, якая ўдзельнічае ва ўрачыстых мерапрыемствах дзяржаўнага ўзроўню. Туды бяруць толькі хлопцаў высокага росту з правільнымі рысамі твару. Мяркуючы па сацсетках, Максім пайшоў на дэмбель у 2016 годзе.
Пасля войска Максім пайшоў працаваць у міліцыю. З ліпеня 2016 года ён служыў у Дэпартаменце аховы МУС. Сямітка быў міліцыянерам-кіроўцам у спецыяльным батальёне, служба якога звязана з аховай дыпламатычных прадстаўніцтваў. У 2019‑м даслужыўся да звання старшага сяржанта міліцыі.
Дакладна невядома, дзе ён працаваў апошнім часам.
Апошні раз Максім быў анлайн ва «Укантакце» 23 лютага 2025 года, праз два тыдні пасля таго, як стала вядома пра ўзлом чата канала «Беларускі Гаюн».
Максіма Сямітку асудзілі ў Віцебскім абласным судзе паводле частак 1 і 2 артыкула 361‑4 КК («садзейнічанне экстрэмісцкай дзейнасці»). Падобна, што па справе Гаюна.
Яму прысудзілі хімію з накіраваннем ці калонію. У сацсеткі Сямітка не вярнуўся.
«Наша Нiва» — бастыён беларушчыны
ПАДТРЫМАЦЬЦяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае23
Каментары