На фота з файлаў Эпштэйна брытанскага прынца Эндру знялі на каленях перад ляжачай жанчынай
У новых матэрыялах так званых «файлаў Эпштэйна», якія апублікавала Міністэрства юстыцыі ЗША, з’явіліся фатаграфіі, на якіх, як мяркуе Бі-бі-сі, можа быць брытанскі прынц Эндру Маунтбатэн-Віндзар — другі сын каралевы Лізаветы II і родны брат цяперашняга караля Карла III. Раней ён страціў усе свае каралеўскія тытулы.
На апублікаваных здымках мужчына стаіць на каленях побач з жанчынай, твар якой закрыты чорным прамавугольнікам. Жанчына адзетая. На двух фота мужчына дакранаецца да яе жывата, а на адным глядзіць проста ў камеру.
Бі-бі-сі адзначае, што ніякага тлумачэння кантэксту гэтых фатаграфій няма: невядома, калі і дзе яны былі зробленыя. Тым не менш, журналісты падкрэсліваюць, што іх публікацыя можа яшчэ больш узмацніць ціск на прынца Эндру, які і раней аказваўся ў цэнтры ўвагі з-за сваёй блізкай сувязі з Джэфры Эпштэйнам, асуджаным за сэксуальныя злачынствы.
Акрамя фота, былі апублікаваныя электронныя лісты, з якіх вынікае, што ў жніўні 2010 года Эпштэйн запрашаў прынца Эндру на вячэру з «прыгожай 26‑гадовай расіянкай». Гэта адбылося ўжо праз два гады пасля таго, як фінансіст прызнаў сваю віну ў сувязях з непаўналетняй.
Таксама сярод дакументаў ёсць афіцыйны запыт уладаў ЗША ад 2020 года з просьбай дапытать Маунтбатэна-Віндзара. У ім гаварылася, што прынц Эндру мог быць сведкам або ўдзельнікам падзей, важных для расследавання.
У кастрычніку 2025 года прынц Эндру быў пазбаўлены ўсіх сваіх тытулаў і прывілей, у тым ліку права жыць у рэзідэнцыі ў Віндзары. Такая страта статусу не мае аналагаў у сучаснай гісторыі брытанскай манархіі.
30 студзеня 2026 года Міністэрства юстыцыі ЗША апублікавала таксама новыя дакументы ў справе Эпштэйна. Сярод іх — заява жанчыны, якая абвінаваціла дзейнага прэзідэнта ЗША Дональда Трампа ў згвалтаванні, якое нібыта адбылося, калі ёй было 13 гадоў. Апісанні выпадкаў гвалту, як адзначае тэлеканал CNN, супадаюць з абвінавачаннямі, пададзенымі ў 2016 годзе ананімнай Джэйн Доў, але тады яна пазней адмовілася ад пазову.
Дакументы таксама сведчаць, што ў канцы 2013 года мільярдэр Ілан Маск пісаў Эпштэйну, каб узгадніць магчымую паездку на ягоны карыбскі востраў. Ці адбылася яна на самай справе — невядома, але перапіска сведчыць пра ўзровень кантактаў, пра які раней не паведамлялася.
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну
Апублікаваны тры мільёны файлаў Эпштэйна: што новага і ці будуць яшчэ?
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк
Апублікавалі новую партыю матэрыялаў па справе Эпштэйна. Там зноў згадваецца Трамп
Біл Клінтан, Майкл Джэксан і Мік Джагер. Каго можна знайсці ў новых дакументах са справы Джэфры Эпштэйна
Апублікавалі новыя фота з архіва Джэфры Эпштэйна. На іх ёсць і Трамп
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС12
Каментары
Нагадаю яшчэ раз: калі пішаце пра прынца Эндру, пішыце пра гісторыю Вірджынію Джуфры Робертс, якая распавяла ЎСЁ пра гэтага чалавека, і што ён выправіў ёй кампенсацыю 12млн даляраў. Яна давала публічныя каментары і пасмяротна выпусціла кнігу "Nobody's girl". Пасля яе ціску толькі яму давялося адрачыся ад прастола. Але ў выніку што маем: пакарання прынц не атрымаў ніякага.
А на фотаздымку невядома хто: дарослая жанчына ці малое дзяўчо. Таксама важны момант.
[Зрэдагавана]
Пасрэднасці геніяў не разумеюць, хіба толькі па часе.
Вось цяпер я разумею, дзе тое гадзючае поле, па якім ходзіць Трамп - на востраве Эпштэйна, ягонага даўняга сябра!