Прадстаўнікі Дэмакратычнай партыі ЗША з Камітэта па наглядзе Палаты прадстаўнікоў апублікавалі новую партыю фотаздымкаў з архіваў скандальнага бізнэсмена Джэфры Эпштэйна. На гэтых здымках ён бачны ў кампаніі вядомых амерыканцаў, у тым ліку цяперашняга прэзідэнта Дональда Трампа, былога дарадцы Трампа Стыва Бенана, былога прэзідэнта-дэмакрата Біла Клінтана, прадпрымальніка Біла Гейтса і рэжысёра Вудзі Алена.
Член Камітэта па наглядзе Палаты прадстаўнікоў ад Дэмакратычнай партыі Роберт Гарсія заявіў, што гэтыя фота выклікаюць яшчэ больш пытанняў адносна Эпштэйна і яго сувязі з уплывовымі асобамі, што прыйшоў час спыніць хаванне праўды Белым домам і дамагчыся справядлівасці для ахвяр Эпштэйна.
Сярод апублікаваных кадраў ёсць здымкі міскі з прэзерватывамі, на якіх намаляваны карыкатурны твар Трампа з надпісам «Я ВЯЛІЗНЫ!». На іншым здымку Трамп стаіць з шасцю жанчынамі ў гірляндах з кветак, чые твары былі зацэнзураваныя Камітэтам па наглядзе.
Раней дэмакраты таксама апублікавалі лісты Эпштэйна, у якіх ён сцвярджаў, што Трамп правёў некалькі гадзін з адной з вядомых абвiнаваўцаў Эпштэйна, Вірджыніяй Джуфрэ. Пасля публікацыі гэтых лістоў Трамп і Белы дом назвалі гэта «містыфікацыяй».
Фінансіста Джэфры Эпштэйна абвінавачвалі ў гандлі людзьмі з мэтай іх сэксуалізаванай эксплуатацыі. Паводле версіі следства, бізнэсмен атрымліваў сэксуальныя паслугі ад непаўналетніх дзяўчат і «пазычаў» іх уплывовым людзям.
У 2008 годзе ён прызнаў віну па справе аб падбухторванні да прастытуцыі, у тым ліку ў дачыненні да непаўналетніх, і быў асуджаны да 18 месяцаў зняволення, якія адседзеў не цалкам. У 2011 годзе Эпштэйн выйшаў на волю, адбыўшы 13 месяцаў у турме.
7 ліпеня 2019 годзе яго зноў арыштавалі, а праз месяц, 10 жніўня, бізнэсмен здзейсніў самагубства ў турэмнай камеры ў Нью-Ёрку. Яму пагражала да 45 гадоў зняволення, і супраць фінансіста гатовыя былі сведчыць дзясяткі сведкаў і пацярпелых.
Дональд Трамп і Джэфры Эпштэйн сябравалі на працягу многіх гадоў, але ў сярэдзіне 2000-х, як казаў Трамп, пасварыліся.
Раней сяброўства з Эпштэйнам і ўдзел у яго сэкс-вечарынках каштавалі тытула прынца брату караля Вялікабрытаніі Карла III Эндру.
Трамп падпісаў закон аб публікацыі «файлаў Эпштэйна»
Палата прадстаўнікоў ЗША прагаласавала за раскрыццё «файлаў Эпштэйна». Сенат прыняў гэтую пастанову без абмеркавання
Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Трамп загадаў расследаваць магчымыя сувязі Эпштэйна з Клінтанам і банкірамі. Мінюст ЗША падпарадкаваўся
У ЗША апублікавалі новыя лісты па справе Джэфры Эпштэйна, якія дыскрэдытуюць Трампа
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
[Зрэдагавана]
" сказки братьев Гримм " . В частности
" Бкрегись рыжых и лысых " ] . Созднется патовая ситуация . Лилипутин не способен обннародовать компромат . Иначе он снесет нахр рыжего и получит взамен берсеркера сносящего рашу . А клоун сознавая ситуацию троллит пыню .
При таком раскладе Украина на второстепенных ролях . Пока не наработает главное поеимущество . Которого изначально у неё небыло .