Жыхары сталіцы змогуць хутка і зручна паведамляць аб праблемах, звязаных з працай святлафораў і іншых сродкаў арганізацыі дарожнага руху, пішуць «Мінск-Навіны».
У 2026 годзе з надыходам станоўчых тэмператур на ўсіх святлафорных аб’ектах з’явяцца QR-коды, і любы грамадзянін з дапамогай мабільнага тэлефона зможа аператыўна паведаміць пра няспраўнасці і пашкоджанні.
Для падачы заяўкі дастаткова адсканаваць QR-код. Пасля гэтага на смартфоне адкрыецца акно браўзера з формай звароту, дзе можна будзе пакінуць інфармацыю. Неабходна таксама дадаць фота канкрэтнага месца.
— Пра ўсе няспраўнасці і пашкоджанні дарожных знакаў, святлафораў мы просім паведамляць у дзяжурную службу нашага прадпрыемства па кароткім нумары 155, — распавёў намеснік дырэктара — галоўны інжынер СМЭП Мінгарвыканкама Ілья Махавікоў. — Як правіла, такую інфармацыю часцей за ўсё даводзяць кіроўцы грамадскага транспарту і супрацоўнікі ДАІ. З устаноўкай таблічак з QR-кодам гэта зрабіць стане прасцей. Дастаткова будзе падысці з тэлефонам, навесці камеру і перадаць інфармацыю. Нашы спецыялісты аператыўна выедуць на месца і ліквідуюць недахопы.
Цяпер чытаюць
Бабарыка зоймецца бізнэсам — ужо адкрыў кампанію ў Германіі18
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары