«Прыгажунчык 2» Ціля Швайгера – выкананае заданне на сямейную тэму з нясціплымі жартамі і мужчынскаю стомленасцю.
Прыгажунчык-2 / Zweiohrkuken
Нямеччына, 2009, каляровы, 124 хв.
Рэжысёр: Ціль Швайгер
Ролі выконваюць: Ціль Швайгер, Нора Чырнер, Кен Дукен, Маціас Швайгхёфер, Эдыта Малоўчыч, Эмма Швайгер, Уладзімір Клічко
Жанр: Камедыйная меладрама
Адзнака: 4 (з 10)
Луда і Ганна ўжо два гады, як жывуць разам. Жарсці сцішыліся, побыт заядае, а тут яшчэ Луда сустракае сваю былую пасію. Ганна не адстае ад яго — і запрашае ў госці старога сябра. Каханне герояў пад пагрозаю.
Новыя прыгоды выхавальніцы дзіцячага сада і скоранага лавеласа — набор скетчаў на сямейную тэму. Брудная бялізна на падлозе, нявыкінутыя бутэлькі, балбатлівыя натацыі — і мужчынскае старэнне пад доглядам пільнае жонкі. Хатнія сцэнкі ўскладняюцца рэдкімі прыгодамі ў начных клубах і нясціпла-жартоўнымі кадрамі, што вартасці фільму не дадаюць.
Карціна – выкананае заданне на тэму «жанчына і мужчына», што даспадобы дзявочай аўдыторыі. Але «Прыгажунчык 2» — ужо другой свежасці.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік35
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары