«Страта Арменіі — гэта гіганцкая праблема. Праблемы ў Цэнтральнай Азіі — вось у гэтым для нас гіганцкія праблемы».
Расійскі прапагандыст Уладзімір Салаўёў падчас свайго стрыму заявіў, што Расіі трэба перажываць не за Венесуэлу і Сірыю, а за тое, каб блізкае замежжа заставалася пад кантролем.
«Мы не павінны займацца цяпер ні Сірыяй, ні Венесуэлай. Мы не павінны губляць нашых пазіцый. Але самае важнае для нас — наша блізкае замежжа.
Для нас значна больш балюча тое, што адбываецца ў Арменіі, чым тое, што адбываецца ў Венесуэле. Страта Арменіі — гэта гіганцкая праблема. Праблемы ў Цэнтральнай Азіі — вось у гэтым для нас гіганцкія праблемы. І мы павінны вельмі выразна сфармуляваць нашы мэты і задачы. Мы павінны растлумачыць: «гульні скончыліся». Пляваць на міжнароднае права, на міжнародны парадак. Калі нам для нашай нацыянальнай бяспекі неабходна было пачаць «СВА» на тэрыторыі Украіны, то чаму, зыходзячы з тых жа самых меркаванняў, мы не можам пачаць «СВА» і ў іншых месцах нашай зоны ўплыву.
Можа быць, нам неабходна сфармуляваць нашу нацыянальную дактрыну і дакладна сказаць, якая наша зона ўплыву. І ўсё будзе зразумела», — выказаўся Салаўёў 10 студзеня.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары