Трамп плённа паразмаўляў з прэзідэнтам Калумбіі. Той апублікаваў кранальнае фота сімвалаў ЗША і Калумбіі
Чатыры дні таму прэзідэнт ЗША пагражаў Густава Петра, што ён можа стаць наступным за Нікаласам Мадура.
Трамп заявіў, што пагаварыў па тэлефоне з прэзідэнтам Калумбіі Густавам Петра і анансаваў сустрэчу з ім у Белым доме. Пра гэта амерыканскі лідар паведаміў у сваёй сацыяльнай сетцы Truth Social.
Паводле слоў Трампа, Густава Петра патэлефанаваў яму, каб «растлумачыць сітуацыю, звязаную з наркотыкамі, а таксама іншае рознагалоссе».
«Я ацаніў яго званок і тон размовы і з нецярпеннем чакаю сустрэчы ў блізкай будучыні», — напісаў ён, а таксама паведаміў, што віцэ-прэзідэнт Джэй Дзі Вэнс і міністр замежных спраў Калумбіі ўжо дамовіліся пра сустрэчу, якая адбудзецца ў Белым доме.
Густава Петра пасля размовы апублікаваў фатаграфію белагаловага арлана з ягуарам. Белагаловы арлан лічыцца нацыянальнай птушкай ЗША.
У лістападзе Петра згадваў легенду, паводле якой ягуар, што спаў пакаленнямі, абуджаецца, калі беркут нападае на кондара. Ён адзначаў, што ў мінулым мясцовыя жыхары ўжо давалі адпор замежным заваёўнікам. Тады ж лідар Калумбіі папярэдзіў Трампа і Рубіа.
Некалькі дзён таму пасля бліскучай аперацыі па захопе лідара Венесуэлы Нікаласа Мадура Дональд Трамп заявіў наступнае: «Калумбія таксама вельмі хворая. Ёю кіруе хворы чалавек, які любіць вырабляць какаін і прадаваць яго Злучаным Штатам, і ён не зможа доўга гэтым займацца», — сказаў ён.
У адказ на пытанне, ці будзе аперацыя ЗША супраць Калумбіі, Трамп заявіў, што гэта здаецца яму «добрым варыянтам».
Густава Петра ў адказ паабяцаў узяць у рукі зброю.
«ЗША — першая краіна ў свеце, якая за ўсю гісторыю чалавецтва бамбіла сталіцу Паўднёвай Амерыкі. Нават Нетаньяху, Гітлер, Франка ці Салазар гэтага не рабілі, — напісаў ён. — Канстытуцыя абавязвае ўзброеныя сілы абараняць дзяржаўны суверэнітэт. Хоць я не быў салдатам, я ведаю пра вайну і тайныя аперацыі. Я прысягнуў ніколі больш не браць у рукі зброю пасля мірнага пагаднення 1989 года, але дзеля нацыі я зноў вазьмуся за зброю, нават калі мне гэта не спатрэбіцца», — сказаў ён.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары