Дактары ў Беларусі ставяцца з асаблівай насцярожанасцю да цяперашняга сезона грыпу. Пра гэта паведаміў доктар-інфекцыяніст Мінскай гарадской клінічнай інфекцыйнай бальніцы Мікіта Салавей.
Па словах Мікіты Салаўя, цяпер шырока распаўсюджваецца субклад К віруса грыпу А (H3N2), вядомы як «ганконгскі грып». Гэта не зусім новы вірус, а змененая версія ўжо вядомага грыпу, які выклікае сезонныя ўспышкі штогод.
Доктар тлумачыць, што вірус грыпу пастаянна муціруе, і калі назапашваецца шмат змен, з’яўляецца асобны варыянт. У субклада К выяўлена каля дзесяці мутацый у бялку, які распазнаецца імуннай сістэмай.
H3N2 і раней часта прыводзіў да больш цяжкага працякання хваробы, а сёлета ў некаторых краінах сезон грыпу пачаўся раней, чым звычайна. Асабліва цяжка пераносяць захворванне дзеці, людзі з хранічнымі хваробамі і пажылыя, што выклікае занепакоенасць медыкаў.
Разам з тым доктар падкрэслівае, што вакцынацыя застаецца эфектыўнай. У склад вакцын уваходзіць кампанент H3N2, і нават пры зменах віруса прышчэпка зніжае рызыку цяжкага працякання хваробы і развіцця ўскладненняў.
Калі чалавек захварэў, Мікіта Салавей раіць не пераносіць грып «на нагах» і заставацца дома пры з’яўленні сімптомаў. Важна выконваць рэспіраторную гігіену — праветрываць памяшканні, насіць маску ў грамадскіх месцах, прыкрываць рот пры кашлі і чханні, а таксама часта мыць рукі.
Акрамя таго, варта абмежаваць фізічныя нагрузкі, піць дастаткова вадкасці цягам дня, а пры высокай тэмпературы (звыш 38—38,5°C) прымаць жарапаніжальныя сродкі. Людзям з груп рызыкі асабліва важна своечасова звяртацца да доктара.
Тэлефонныя махляры пачынаюць званіць ад імя паліклінік, палохаючы эпідэміяй грыпу
Як адрозніць грып ад прастуды і што за «ганконгскі» вірус?
У Беларусі назіраецца рост захворванняў на грып і ВРІ
Дзясяткі краін ахапіла новая хваля грыпу, прыйшоў новы небяспечны штам
Чым кавід адрозніваецца ад прастуды, калі бегчы да доктара, а калі можна лячыцца дома — топ парад ад тэрапеўта на перыяд прастуд
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры5
Каментары