Беларусь ды Іран дамовіліся аб супольных кроках супраць заходніх санкцый, падпісаўшы адпаведную дэкларацыю. Дакумент стаў вынікам перамоў міністраў замежных спраў дзвюх краін — Максіма Рыжанкова і Абаса Аракчы, якія адбыліся ў Мінску 15 снежня, паведамляе прэс-служба МЗС Беларусі.
Як паведамілі ў МЗС Беларусі, стораны замацавалі агульныя прынцыпы супрацьдзеяння аднабаковым абмежавальным мерам, а таксама шляхі змяншэння і ліквідацыі іх негатыўных наступстваў. Максім Рыжанкоў падкрэсліў, што Беларусь і Іран, якія знаходзяцца пад санкцыйным ціскам, лічаць эканамічныя абмежаванні парушэннем міжнароднага права, бо яны, маўляў, шкодзяць звычайным грамадзянам і спрыяюць росту напружанасці ў свеце.
Кіраўнік беларускага МЗС таксама адзначыў плённае супрацоўніцтва дзвюх краін у межах такіх міжнародных аб’яднанняў, як ШАС і БРІКС, дзе, паводле яго слоў, прасоўваюцца інтарэсы дзяржаў, якія прадстаўляюць «сусветную большасць».
Акрамя гэтага, у выніку сустрэчы былі падпісаныя дэкларацыя аб умацаванні ролі міжнароднага права ў міжнародных адносінах і праграма супрацоўніцтва паміж міністэрствамі замежных спраў Беларусі ды Ірана на 2026—2030 гады.
Літва не будзе прапускаць беларускі калій праз Клайпеду, нягледзячы на адмену санкцый ЗША
Міністры замежных спраў ЕС ухвалілі пашырэнне санкцыйнага рэжыму ў дачыненні да Беларусі
Што азначае зняцце амерыканскіх санкцый для беларускага калію
МЗС Літвы: Еўрасаюз нават не абмяркоўвае пытанне зняцця санкцый з Беларусі
Цяпер чытаюць
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў1717
Каментары