МЗС Літвы: Еўрасаюз нават не абмяркоўвае пытанне зняцця санкцый з Беларусі
Міністэрства замежных спраў Літвы заявіла, што ў Еўрапейскім саюзе не вядзецца ніякіх абмеркаванняў наконт змякчэння санкцый у дачыненні да Беларусі. У ведамстве адзначылі, што рашэнне Злучаных Штатаў аб зняцці санкцый з беларускіх калійных угнаенняў з’яўляецца самастойным крокам Вашынгтона і не звязанае з санкцыйнай палітыкай ЕС, паведамляе LRT.
МЗС Літвы падкрэслівае, што ўсе прычыны, праз якія Еўрасаюз увёў санкцыі супраць Беларусі, застаюцца актуальнымі. Сярод іх — унутраныя рэпрэсіі, падрыў дэмакратыі, выкарыстанне міграцыі як інструмента ціску, падтрымка Расіі ў агрэсіі супраць Украіны, а таксама гібрыдныя атакі.
У міністэрстве прызналі, што вызваленне палітычных зняволеных — важны дыпламатычны крок, аднак пазіцыя Літвы застаецца нязменнай: дзеянні беларускіх уладаў працягваюць ствараць сур’ёзную пагрозу бяспецы Літвы, Еўрасаюза і НАТА.
13 снежня у Беларусі вызвалілі і выдварылі за межы краіны 123 палітычных зняволеных. Дзевяць з іх выехалі праз тэрыторыю Літвы, астатнія — праз Украіну. Сярод вызваленых такія вядомыя асобы, як Алесь Бяляцкі, Віктар Бабарыка, Марыя Калеснікава, Максім Знак, Аляксандр Фядута, Павел Севярынец і іншыя.
Джон Коўл спрагназаваў, што і яшчэ тысячу палітзняволеных дэпартуюць
Спіс палітвязняў, вызваленых 13 снежня
Большасць палітвязняў, вызваленых сёння, выслалі ва Украіну
На волі Марыя Калеснікава, Віктар Бабарыка, Марына Золатава, Алесь Бяляцкі, Максім Знак! Агулам вызвалены 123 палітвязні
Коўл: Лукашэнка пагадзіўся спыніць запуск паветраных шароў у бок Літвы
ЗША чакаюць ад Лукашэнкі вяртання літоўскіх фур
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе1
Каментары