Лосік: Інкамунікада? Кожны разумны чалавек павінен быў вызначыцца яшчэ ў 2014-м, чый Крым
На прэс-канферэнцыі адразу пасля вызвалення, якая прайшла ва Украіне, Віктару Бабарыку і Марыі Калеснікавай задавалі шмат пытанняў пра вайну. Яны тлумачылі, што ўвесь час у зняволенні мелі доступ толькі да дзяржаўнага тэлебачання, таму скласці карціну цалкам пакуль складана. Блогер і былы палітвязень Ігар Лосік, які быў затрыманы ў чэрвені 2020 года і вызвалены ў верасні 2025-га, адрэагаваў на пачутае.
«Нават у рэжыме інкамунікада былі розныя шляхі даведвацца пра падзеі вайны ва Украіне, і пасля вызвалення ўсе, з кім я размаўляў, здзіўляліся, адкуль я амаль усё ведаю. Бо зняволеныя ў лагеры толькі гэтымі навінамі і жылі, і дзяліліся адны з адным. А гледзячы БТ проста ўключалі крытычнае мысленне і рабілі правільныя высновы. Гэта ведае нават немаўля.
Але погляды «чый Крым» і «хто агрэсар» у мяне сфармаваліся не пасля вайны і не пасля таго, як мае ўкраінскія сваякі пайшлі ваяваць добраахвотнікамі з самага пачатку і загінулі там ад пуцінскіх войскаў. Мне здаецца, кожны дарослы і разумны чалавек павінен быў вызначыцца яшчэ ў 2014 годзе, калі Пуцін акупаваў Крым і Данбас і збіў малайзійскі «Боінг». Дзіўна, у 2025, годзе нават улічваючы шмат гадоў адсідкі, не змагчы адказаць на гэтыя простыя пытанні», — напісаў Лосік у фэйсбуку.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары
80-гадовыя бабулі жывуць у такім жа інкамунікада.
Але, калі раптам захочаш вярнуцца ў гульню, тое адкідваць спонсараў навошта?
ў 1991, на самой справе. Дзякуй Богу паразумелі з 2020, атрымалі жахлівую лекцыю , сёння 96% за незалежнасць