Чатыры краіны не будуць удзельнічаць у Еўрабачанні-2026, пратэстуючы супраць допуску Ізраіля
Ірландыя, Іспанія, Нідэрланды і Славенія абвясцілі, што не будуць удзельнічаць у Еўрабачанні 2026 года пасля таго, як арганізатары конкурсу 4 снежня на сустрэчы ў Жэневе дазволілі Ізраілю ўзяць у ім удзел. Раней прадстаўнікі гэтых краін патрабавалі выключыць Ізраіль з конкурсу ў сувязі з ваеннымі дзеяннямі ў Газе, піша Бі-бі-сі.
Ірландская тэлекампанія RTÉ заявіла, што яе ўдзел «немагчымы з-за жахлівай страты жыццяў у Газе і гуманітарнага крызісу, які працягвае пагражаць жыццям мноства мірных грамадзян».
Іспанскі RTVE разам з яшчэ сямю краінамі дабіваўся таго, каб па пытанні ўдзелу Ізраіля было праведзена тайнае галасаванне, аднак арганізатары ў гэтым адмовілі, што павялічыла недавер да кіраўніцтва фестывалем. У выніку RTVE падкрэсліла, што не будзе трансляваць ні паўфіналы, ні фінал конкурсу 2026 года.
У той жа час Германія, якая пагражала пакінуць конкурс, калі Ізраіль будзе выключаны, вітае рашэнне Еўрапейскага вяшчальнага саюза і пацвярджае свой удзел у конкурсе ў наступным годзе, падкрэсліваючы тым самым імкненне да культурнай разнастайнасці і салідарнасці. Будзе ўдзельнічаць у Еўрабачанні-2026 таксама і Францыя.
Прэзідэнт Ізраіля Іцхак Герцаг назваў рашэнне аб дазволе на ўдзел «жэстам салідарнасці, братэрства і супрацоўніцтва», а кіраўнік ізраільскай тэлекампаніі KAN адзначыў, што спробы дыскваліфікацыі можна разглядаць як культурны бойкот.
Паколькі ў гэтым годзе пераможцам Еўрабачання, што праходзіла ў швейцарскім Базелі, стаў аўстрыйскі спявак JJ (Джэй Джэй), наступны конкурс павінен прайсці ў маі 2026 года ў Вене.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта18
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары