Čatyry krainy nie buduć udzielničać u Jeŭrabačańni-2026, pratestujučy suprać dopusku Izraila
Irłandyja, Ispanija, Niderłandy i Słavienija abviaścili, što nie buduć udzielničać u Jeŭrabačańni 2026 hoda paśla taho, jak arhanizatary konkursu 4 śniežnia na sustrečy ŭ Ženievie dazvolili Izrailu ŭziać u im udzieł. Raniej pradstaŭniki hetych krain patrabavali vyklučyć Izrail z konkursu ŭ suviazi z vajennymi dziejańniami ŭ Hazie, piša Bi-bi-si.
Irłandskaja telekampanija RTÉ zajaviła, što jaje ŭdzieł «niemahčymy z-za žachlivaj straty žyćciaŭ u Hazie i humanitarnaha kryzisu, jaki praciahvaje pahražać žyćciam mnostva mirnych hramadzian».
Ispanski RTVE razam ź jašče siamiu krainami dabivaŭsia taho, kab pa pytańni ŭdziełu Izraila było praviedziena tajnaje hałasavańnie, adnak arhanizatary ŭ hetym admovili, što pavialičyła niedavier da kiraŭnictva fiestyvalem. U vyniku RTVE padkreśliła, što nie budzie tranślavać ni paŭfinały, ni finał konkursu 2026 hoda.
U toj ža čas Hiermanija, jakaja pahražała pakinuć konkurs, kali Izrail budzie vyklučany, vitaje rašeńnie Jeŭrapiejskaha viaščalnaha sajuza i paćviardžaje svoj udzieł u konkursie ŭ nastupnym hodzie, padkreślivajučy tym samym imknieńnie da kulturnaj raznastajnaści i salidarnaści. Budzie ŭdzielničać u Jeŭrabačańni-2026 taksama i Francyja.
Prezident Izraila Icchak Hiercah nazvaŭ rašeńnie ab dazvole na ŭdzieł «žestam salidarnaści, braterstva i supracoŭnictva», a kiraŭnik izrailskaj telekampanii KAN adznačyŭ, što sproby dyskvalifikacyi možna razhladać jak kulturny bojkot.
Pakolki ŭ hetym hodzie pieramožcam Jeŭrabačańnia, što prachodziła ŭ šviejcarskim Bazieli, staŭ aŭstryjski śpiavak JJ (Džej Džej), nastupny konkurs pavinien prajści ŭ mai 2026 hoda ŭ Vienie.
Niderłandy, jak i Irłandyja, Słavienija i Ispanija, pryhrazili bajkatavać «Jeŭrabačańnie-2026», kali ŭ im budzie ŭdzielničać Izrail
U adnoj ź minskich škoł vypuskniki paciešyli publiku pieśniaj ź sioletniaha «Jeŭrabačańnia» VIDEA
Pieramožca sioletniaha «Jeŭrabačańnia» choča, kab nastupnaje prajšło biez udziełu Izraila
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe26
Kamientary