На журналістку Ірыну Халіп завялі крымінальную справу. Дапытвалі яе старых бацькоў
Пракуратура Беларусі завяла крымінальную справу па «экстрэмісцкім» артыкуле ў дачыненні да спецыяльнага карэспандэнта «Новай газеты Еўропа» Ірыны Халіп. Пра гэта журналістка, што жыве за межамі Беларусі, сама распавяла «Новай Еўропе».
Паводле яе слоў, учора сілавікі прыйшлі з вобшукам да яе бацькоў, якія жывуць у Мінску. Яны прад’явілі пастанову, у якой было сказана, што вобшук праводзіцца ў рамках крымінальнай справы супраць журналісткі.
Падчас следчых дзеянняў сілавікі сказалі, што крымінальная справа па «экстрэмісцкім» артыкуле, але падрабязнасцяў яны нібыта не ведаюць самі. Вобшук праводзілі супрацоўнікі міліцыі, а справа, паводле іх слоў, заведзеная пракуратурай.
Міліцыянты таксама дапыталі маці Халіп Люцыну Бяльзацкую. Яны спрабавалі высветліць, дзе знаходзіцца журналістка, а таксама прасілі даць яе нумар тэлефона. Ніякіх прадметаў, якія маглі б быць звязаныя з працай журналісткі, у кватэры яе бацькоў не знайшлі.
«Гэта зусім дакладны сігнал: памятай, што ў цябе сям’я ў Беларусі, перш чым паклёпнічаць на наш квітнеючы рэжым.
Такога кшталту сігналы любяць рассылаць дыктатарскія рэжымы ва ўсім свеце. Таму памылкова сцвярджаць, што чалавек, які паспеў уцячы з краіны, ужо недасяжны. Тыя, у каго застаюцца закладнікі ў краіне сыходу. Гэтак жа ўразлівыя, ведаючы, што не могуць абараніць ад пераследу сваіх блізкіх», — заявіла Халіп.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы33
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
"Міліцыянты таксама дапыталі маці Халіп Люцыну Бяльзацкую. Яны спрабавалі высветліць, дзе з"
мама маладзец