Франак Вячорка: «Лукашэнку амерыканцы патрэбныя нашмат больш, чым амерыканцам Лукашэнка»
Галоўны дарадца Святланы Ціханоўскай Франак Вячорка пракаментаваў «Радыё Свабода» прызначэнне Джона Коўла спецыяльным пасланнікам прэзідэнта ЗША па Беларусі.
«Безумоўна, мы вітаем прызначэнне Джона Коўла на гэтую пасаду і вітаем намаганні прэзідэнта Трампа ў вызваленні палітвязняў. Само гэтае прызначэнне сведчыць, што Беларусь застаецца ў фокусе Злучаных Штатаў, як і пытанне палітвязняў», — адзначыў Вячорка.
Ён дадаў, што прызначэнне спецпасланніка павінна зрабіць больш эфектыўным змаганне за вызваленне палітвязняў і камунікацыю ў беларускіх пытаннях у цэлым.
Паводле Вячоркі, Джон Коўл сфакусаваны на тым, «каб выцягваць людзей з турмаў, выцягваць закладнікаў».
«Ён блізкі да самога Дональда Трампа, і мы бачым, што ягоныя перамовы з Лукашэнкам ужо дасягнулі нейкага поспеху».
«Але наша задача — не толькі выцягнуць людзей з турмаў, але і спыніць рэпрэсіі. Іначай людзей будуць выпускаць невялікімі групамі, а потым будуць садзіць новых», — падкрэсліў Вячорка. І ў гэтай задачы ён бачыць важную ролю прынцыповай пазіцыі Еўрапейскага саюза.
«Нават калі Злучаныя Штаты будуць змякчаць некаторыя санкцыі, уведзеныя за парушэнне правоў чалавека, Еўрапейскі саюз павінен трымаць свае санкцыі», — кажа Вячорка. Бо «задача Лукашэнкі — дабіцца зняцця санкцый, не змяняючы сваёй палітыкі, не вызваліўшы ўсіх людзей, не спыніўшы рэпрэсій».
«Таму амерыканцаў мы просім браць на сябе гуманітарны трэк: вызваленне людзей, выцягваць з турмаў, захоўваць іх жыццё, а еўрапейцаў — трымаць санкцыі для больш сістэмных, доўгатэрміновых пераменаў у Беларусі», — патлумачыў дарадца Ціханоўскай.
Ён адзначыў, што «большасць еўрапейскіх санкцый былі ўведзеныя менавіта за вайну супраць Украіны і павінны быць знятыя тады, калі гэтая вайна будзе спыненая і калі будзе спынены ўдзел Лукашэнкі ў гэтай вайне».
Франак Вячорка сказаў, што неўзабаве чакаецца вызваленне новай групы палітвязняў. І офіс рыхтуецца іх прыняць, забяспечыць усім неабходным і паспрыяць у легалізацыі і рэабілітацыі ў Літве і Польшчы.
«Лукашэнка хоча вызваліць частку — мы хочам, каб выйшлі на свабоду ўсе і каб спыніліся рэпрэсіі», — адзначыў Вячорка.
«Амерыканскі бок не наіўны, яны выдатна разумеюць, што такое Лукашэнка, яны разумеюць, як цяжка з ім размаўляць. І тут вельмі важна быць прынцыповымі і настойлівымі, бо Лукашэнку амерыканцы патрэбныя нашмат больш, чым амерыканцам Лукашэнка», — падсумаваў ён.
Міністр замежных спраў Літвы абмеркаваў беларускае пытанне з Джонам Коўлам
Лукашэнка анансаваў перамовы з дэлегацыяй ЗША
Ціханоўская назвала прызначэнне Коўла «абнадзейваючым крокам»
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Я займаюся гэтым». Джон Коўл пра вызваленне Алеся Бяляцкага
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары