Беларус спрабуе прадаць шэсць культавых у свой час цукерак, але пратэрмінаваных амаль на 10 гадоў, за 200 рублёў
Усе памятаюць цукеркі Mamba і іх рэкламу.
Тым часам на інтэрнэт-пляцоўцы Kufar.by размешчаная аб’ява ад прадаўца, гатовага прадаць упакоўку той самай Mamba, піша Blizko.by.
Вага ўпакоўкі — 26,5 грама. Унутры — 6 жавальных цукерак. Выпушчаныя яны былі 10 гадоў таму — у 2015-м, тэрмін іх прыдатнасці скончыўся праз год — улетку 2016-га.
Але прадавец верыць, што пакупнік на ласунак знойдзецца. «Мамба. Цэлая. З 2015-га», — такі кароткі тэкст аб’явы.
Цана ўпакоўкі Mamba з мінулага — «усяго толькі» 200 рублёў, або 33,3 рубля за цукерку.
Каментары