Вакцыны ад каранавірусу не толькі абараняюць ад цяжкага цячэння хваробы, але і дапамагаюць арганізму больш эфектыўна змагацца з анкалагічнымі захворваннямі.
Да такой высновы прыйшлі даследчыкі з амерыканскага цэнтра MD Anderson у Х’юстане, піша часопіс Nature. Навукоўцы прааналізавалі даныя больш як тысячы пацыентаў, якія праходзілі лячэнне паміж 2019 і 2023 гадамі.
У хворых, якія атрымалі мРНК-вакцыну на працягу 100 дзён пасля пачатку імунатэрапіі, трохгадовая выжывальнасць аказалася ўдвая вышэйшая, чым у непрышчэпленых. Асабліва моцны эфект назіраўся ў пацыентаў з так званымі «халоднымі» пухлінамі — напрыклад, пры раку прадсталёвай залозы і падстраўнікавай залозы, дзе імунная сістэма звычайна рэагуе слаба. У іх вакцына павялічвала шанцы на выжыванне ў пяць разоў.
Як тлумачаць аўтары даследавання, мРНК-вакцыны дзейнічаюць як сігнал трывогі для імуннай сістэмы: яны актывуюць ахоўныя клеткі, якія пачынаюць распазнаваць і знішчаць ракавыя клеткі. Пры гэтым традыцыйныя вакцыны такога эфекту не давалі.
Цяпер даследчыкі плануюць буйное клінічнае выпрабаванне, каб пацвердзіць, ці можа мРНК-вакцынацыя стаць часткай стандартнай тэрапіі для анкалагічных пацыентаў.
«Эфект, апісаны ў даследаванні, уражвае, але не здзіўляе. Любыя вакцыны стымулююць імунітэт, а мРНК-часціцы, здаецца, робяць гэта асабліва эфектыўна», — адзначыў нямецкі імунолаг Карстэн Вацль у размове з Bild.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення16
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары