Выдавецтва «Янушкевіч» выпусціла новую кнігу Макара Валынкіна «Ніці»
Гэта містычны аповед пра маладога настаўніка, які па размеркаванні прыязджае працаваць у вёску.
Набыць твор можна ў кнігарні «Кнігаўка» ці праз польскі маркетплэйс Allegro.
Да выхаду кнігі спявачка Настасся Рыдлеўская напісала адпаведны саўндтрэк, таксама можна паглядзець букцізер.
Так выдавецтва «Янушкевіч» распавядае пра сюжэт твора:
У вёску Крупа, дзе знікаюць нябожчыкі, па размеркаванні прыязджае малады настаўнік Антон. На картах вёска — усяго толькі кропка сярод балот і лясоў, але тутэйшыя вераць у старажытныя забабоны і жывуць паводле традыцый продкаў.
Абрад «ніці», пасля якога знікаюць нябожчыкі, непакоіць Антона, і ён пачынае шукаць яму лагічнае тлумачэнне. Чым далей настаўнік прасоўваецца ў расследаванні, тым больш рызыкуе ўласным жыццём і сутыкаецца з варожасцю мясцовых жыхароў.
Што хавае Крупа: чалавечыя злачынствы ці сілу, якая прыйшла з іншага свету?»
«Ніці» — другі твор маладога аўтара Макара Валынкіна. Першы — аповед «Апошняе пакаленне» — увайшоў у доўгі спіс намінантаў на прэмію Гедройця.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары