Мінскі «Камволь» не працуе, і пры гэтым у яго назбіралася 200 мільёнаў даўгоў
Падчас наведвання Салігорскай птушкафабрыкі Лукашэнка ад разваг пра перапяліныя яйкі плаўна перайшоў да абмеркавання больш агульных праблем, сярод іншага паведаміўшы пра тое, што на мінскім прадпрыемстве «Камволь», якому ён асабіста надаваў раней шмат увагі, сітуацыя сёння безнадзейная.
«Мэта адна, глабальная — нікому не аддаваць свой рынак. Каб не атрымалася так, як па «Камволю». Калісьці я непасрэдна займаўся гэтым «Камволем», грошай уклалі нямала, парадак здаецца навялі. Сам Аляксандр Мікалаевіч Косінец хадзіў па гэтым прадпрыемстве.
Сёння, аказваецца, не працуе. Больш таго, накапілі даўгоў на 200 мільёнаў з лішкам рублёў. Гэта што?
І ўносяць указ, прэзідэнт павінен падпісаць — выдзеліць грошы».
Па словах Лукашэнкі, грошы можна ўкладаць толькі тады, калі ўпэўнены, што яны вернуцца:
«Калі ёсць рынак, калі мы бачым добрую эканоміку ў той ці іншай вытворчасці — трэба падтрымліваць такія праекты. А не траціць грошы незразумела куды. Дамовіліся, рашэнне прынята — жалезна павінна быць выканана. Калі мы павінны чагосьці дасягнуць».
Варта адзначыць, што гэтыя ў прынцыпе правільныя словы Лукашэнка гаворыць далёка не першы раз, а паўтарае іх рэгулярна дзясяткі гадоў перад любым новым праектам, многія з якіх урэшце аказваюцца правальнымі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары4
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары